Qətərdəki "Al Rayan" Bankı potensial çirkli pulların yuyulması və terrorizmin maliyyələşdirilməsi ilə bağlı adekvat yoxlama aparmadığı üçün Böyük Britaniyanın maliyyə nəzarəti orqanı tərəfindən 4 milyon funt sterlinq (4,84 milyon dollar) məbləğində cərimələnib.
Hafta.az-ın Thenationalnews-ə istinadən yazdığına görə, Maliyyə Davranışı Təşkilatı araşdırmaya başlayıb və bankın 2015-ci ildən 2017-ci ilədək 1133 dəfə 22,74 milyon funt sterlinq nağd depozit qəbul etdiyini aşkarlayıb. Bu depozitlərə həcmi 50 min funt sterlinqdən çox olan 60 məbləğ daxil idi ki, onlardan da 16-sı 100 min funt-sterlinqdən, doqquzu isə 200 min funt-sterlinqdən yuxarıdır.
50 yüksək riskli müştəri faylına baxış zamanı aşkar edilmiş halların 82 faizində bank vəsaitlərin mənbəyini, 96 faizində isə əmanətlərin müştərinin sərvət mənbəyini yoxlaya bilməyib.
Araşdırma zamanı məlum olub ki, məsələn, müştərilərdən biri olan Qətər hökumətinin keçmiş naziri banka depozit yatırarkən ildə 10 milyon funt- sterlinq qazandığını, Qətərdə 10 milyon funt-sterlinqlik bir mülkə və daha çox evə sahib olduğunu iddia edib, lakin bank sübut üçün dəlillər istəməyib.
İstintaq çərçivəsində dörd xeyriyyə təşkilatı nəzərdən keçirilib. Bir misalda, hesabatda adı açıqlanmayan bir yardım qrupu 360 min funt- sterlinq məbləğində nağd pul depoziti qoyub və "Al Rayan", xeyriyyə təşkilatı müəyyən zamanda nağd pul yığıldığını iddia etdiyi üçün "heç bir narahatlıq olmadığını" əsas gətirib.
FCA-dan qeyd olunub ki, əgər vaxtında cəsarətli yoxlamalar aparılsaydı, bank eyni qrupun qısa müddət əvvəl təxminən 100 min funt-sterlinq yatırdığını aşkar edərdi.
Qeyd edək ki, "Əl Rayan" Qətərin ikinci ən böyük bankı "Masraf Al Rayan"a məxsusdur və ən böyük maraqlı tərəfləri Qətər dövlətinin idarə etdiyi qurumlardır.
"1 aprel 2015-ci il və 30 noyabr 2017-ci il tarixləri arasında "Al Rayan" pulun bankdan keçməsinə və müvafiq yoxlamalar aparılmadan Böyük Britaniya daxilində istifadəsinə icazə verib", - FCA-dan bildirilib.
“Firma müştərilərinin sərvət mənbəyini və pulun maliyyə cinayəti ilə əlaqəsi olub-olmadığını bilmək tələb edilərkən vəsaitlərini adekvat şəkildə yoxlaya bilməyib. Uğursuzluqlar işçilərin iri əmanətlərlə necə davranmaq barədə lazımi təlimin keçirilməməsi səbəbindən daha da çoxalıb ki, bu da çirkli pulların yuyulması və maliyyə cinayətləri riskini daha da artırıb. Amma "Əl Rayan" bu zəifliklərdən xəbərdar idi və FCA-nın sistemlərinin qeyri-adekvatlığı ilə bağlı narahatlıqlarını artırmasına baxmayaraq, onları düzəltmək üçün effektiv dəyişikliklər həyata keçirə bilməyib", - məlumatda deyilir.
İstintaq həmçinin, bankın risk qiymətləndirilməsi aparılmamış 300-dən çox mövcud yüksək riskli və siyasi mahiyyətli müştərilərdən ibarət "əhəmiyyətli" yığımı aşkarlayıb.
FCA-nın tətbiq və bazar nəzarəti üzrə icraçı direktoru Mark Stüard deyib ki, “Əl Rayan" çirkli pulların yuyulmasının hansı riskləri yaradacağını görə bilməyib. “Bu uğursuzluqlar maliyyə cinayətinin işlənməsinin asanlaşdırılmasına şərait yaradıb və hətta proses firma daxilində kök sala bilər”, - o deyib.
Qeyd edək ki, 2004-cü ildə Böyük Britaniyada fəaliyyətə başlayan “Al Rayan”ın baş ofisi Birmingemdə yerləşir və ölkədə bir neçə filialı var və 90 minə yaxın müştəri ilə işləyir.
"Al Rayan Bank"ın baş icraçı direktoru Giles Cunningham da deyib ki, FCA, Bankın maliyyə cinayətləri sistemlərində və nəzarət sistemlərində 2015-2017-ci illər arasında olan tarixi zəiflikləri müəyyənləşdirib. "Bankın və müştərilərinin cinayət fəaliyyəti və Bankın mövcud rəhbərliyindən heç biri həmin vaxt yüksək səviyyəli idarəetmə funksiyasında olmayıb. Bank fəaliyyəti dövründə FCA ilə əməkdaşlıq edib və aşkarlanmış bütün zəif cəhətlər kənar, müstəqil ekspertlərin dəstəyi tam şəkildə həll edilib. Düşünürük ki, maliyyə cəzasının heç bir maddi təsiri olmayacaq. Bank yaxşı kapitallaşdırılıb və 2022-ci il üçün çox güclü maliyyə nəticələri barədə məlumat açıqlayacaq. Maliyyə cinayətlərinin artan təhdidlərinə qarşı güclü müdafiənin təmin edilməsi biznes planımızın vacib hissəsidir və ona yeni İdarə Heyəti ilə İcraçı komanda rəhbərlik edir", - G.Cunningham.
Qeyd edək ki, məlumatlara əsasən müştərilər arasında bir vaxtlar ABŞ-da terror cinayətlərinə görə ömürlük həbs cəzasına məhkum olunan nifrət aşılayan ruhani Əbu Həmzə tərəfindən idarə olunan Londondakı Finsberi Park Məscidi də var. BƏƏ də daxil olmaqla, bir sıra ölkələr tərəfindən qadağan edilmiş Qətər Xeyriyyə Təşkilatının Dohadakı Britaniya qolu olan "Nectar Trust" da "Al Rayan"ın müştərisidir. 2017-ci ildən Pulların Yuyulması, Terrorçuluğun Maliyyələşdirilməsi və Pul vəsaitlərinin Köçürülməsi Qaydalarına əsasən, bankların üzərinə müştərilər və onların sərvət mənbələri ilə bağlı lazımi araşdırma aparmaq vəzifəsi qoyulub. Bunun edilməməsi milyonlarla funt-sterlinq cərimələrə səbəb ola bilər.
