Rusiyanın Rəqəmsal İnkişaf Nazirliyi elektron pərakəndə satış şəbəkələrini satılan kompüterlərə Rusiya istehsalı olan əməliyyat sistemləri quraşdırmağa məcbur edən tənzimləmə üzərində işləyir.
Hafta.az-ın “Kommersant”a istinadən yazdığına görə, pərakəndə satış nümayəndələri xəbərdarlıq edirlər ki, tənzimləmə, çəkiləcək xərclərə görə məhsulun qiymətlərində əks olunacaq.
Xəbərə əsasən, nazirlik xaricdən gətirilən kompüterlərdə əməliyyat sistemi olmayan üçü Linux əsaslı olmaqla, Rusiya istehsalı olan 3 əməliyyat sistemi müəyyən edib. Bunlar Astra Linux, Alt və Red OS-dir.
Tənzimləmənin ikinci rübdə hökumətə təqdim edilməsi gözlənilir.
Rusiya tərəfindən 2020-ci ildə çıxarılan tənzimləmə qanunu Rusiya istehsalı olan proqramları istehsalçılara yükləmək öhdəliyini qoyur. Yeni tənzimləmə bu öhdəliyi satıcıların üzərinə qoyacaq.
