Rusiyada 78 milyon insan daxili turizmə yönəlib

10:34 22.05.2024 Müəllif:Vüsal Tağıbəyli
Yazını böyüt
Yazını kiçilt

Rusiyada tətbiq edilən sanksiyalardan sonra daxili turizmdə canlanma davam edir. Ötən il ölkə daxilində edilən turistik səfərlərin sayı 20 faiz artaraq 78 milyona çatıb.

Hafta.az-ın yazdığına görə, Rusiya Turizm Sənayesi Assosiasiyasının məlumatlarına görə, Krasnodar və Moskva rusiyalı turistlər üçün ən populyar daxili istiqamətlərdir.

Keçən il Krasnodara təxminən 18 milyon, Krıma isə 5 milyon turist səfər edib.

Rusiyada daxili tur qiymətlərində ötən illə müqayisədə təxminən 15 faiz artım olub.

“Business FM”in məlumatına görə, 2 ulduzlu otellərin bir gecəlik qiyməti yeməklə birlikdə 2000 -2500 rubl civarındadır.

Bu rəqəm 3 ulduzlu otellərdə 3500 - 4 min rubl, 4 ulduzlu otellərdə 5-6 min rubl, 5 ulduzlu otellərdə isə ən azı 8 min rubl təşkil edir.

Oxunma sayı 142