Şahzadə Harrinin məmləkəti üçün darıxdığı və həyat yoldaşı Meqan Marklı sevmədikləri üçün dostları ilə daha görüşmədiyi iddia edilib.
Hafta.az-ın “New York Post”a istinadən yazdığına görə, kral mütəxəssisi Tom Quinn “Mirror” qəzetinə "Harri cansıxıcıdır" deyib və əlavə edib: “Ordu və məktəb dostlarının çoxunun hələ də yaşadığı Atlantik okeanının o tayına baxır. Harrinin dostları Meqanın çətin bir insan olduğunu düşündükləri üçün Amerikadakı şahzadəni ziyarət etmirlər”.
Harri həyat yoldaşı, 42 yaşlı Meqan Markl və övladları Şahzadə Arçi və Şahzadə Lilibetlə Kaliforniyanın Montekito şəhərində yaşayır.
Şahzadə Harrinin ən çoxillik dostlarından biri və Arçinin xaç atası Hugh Qrosvenor keçən ay Britaniyada evlənib. Lakin Harri və Meqan toyda iştirak etməyiblər.
Kral eksperti iddia etdi ki, Sassekslər "hamını incitməmək" üçün qeyd etmələrə qatılmayıblar.
Toyda Harrinin qardaşı Şahzadə Uilyam iştirak edib.
Harri sonuncu dəfə may ayında İngiltərədə Invictus Oyunlarının 10-cu ildönümü üçün olub. O zaman Quinn “Mirror”a deyib ki, Harrinin dostlarını görməyi planlaşdırmır, çünki onlar "şahzadənin nifrət etdiyi Meqandan əvvəlki dünyanın bir hissəsidirlər".
Quinn, Harrinin dostlarının "Meqanı sevmədiyini" də əlavə edib.
