Separatçı erməni “nazir” Kəlbəcərin kəndində gecələdi

12:18 30.07.2021 Müəllif:Sultan Laçın
Yazını böyüt
Yazını kiçilt

Azərbaycan Respublikasının Qarabağ və Şərqi Zəngəzur iqtisadi zonalarının müvəqqəti olaraq Rusiyanın rəsmən sülməramlı sayılan hərbi kontingentinin nəzarətindəki hissəsində tör-töküntüləri hələ də qalan  separatçı-terrorçu rejimin qanunsuz “dövlət naziri” Artak Beqlaryan  inzibati cəhətdən  Kəlbəcər rayonuna aid olan keşmiş Ağdərə-“Mardakert” rayonunuun bir sıra kəndlərinə “işgüzar” səfər edib.

Hafta.az xəbər verir ki,  bu barədə Xankəndindəki erməni nəşrləri  məlumat yayıb.

A.Beqlaryan Kəlbəcər rayonunun “Koçoqot” adlandırılmış Yayıcı,  “Verin Orataq” adlandırılmış “Yuxarı Orataq”,  “Arutyunaqomer” adlandırılmış Qızılqaya  və “Vaquas” adlandırılımış Qozlu kəndlərindəki erməni sakinlərlə görüşüb və yerli problemləri müzakirə edib.

Qondarma “nazir” Azərbaycanın işğal altından azad edilmiş digər ərazilərindən, o cümlədən Hadrutdan könüllü olaraq köçmüş ermənilər üçün yeni evlərin tikildiyi Çərəktar kəndində də olub.

Sonuncu dayanacağı Qozlu kəndi olan A.Beqlaryan oradakı çoxuşaqlı Xaçaturyanlar ailəsinin evində gecələyib.

Oxunma sayı 495
Siyasət rubrikasından digər xəbərlər