Amerikanın Ayova ştatının Bernard şəhərinin sakini sevgilisinin onun evlilik təklifini qəbul etməsindən bir gün sonra lotereyada cekpot qazanıb. Bu barədə UPI xəbər agentliyi məlumat yayıb.
31 yaşlı Nik Miller sevgilisi Lauren Timmermanın onunla evlənməyə razı olmasına çox sevinib. Nişandan sonra səhər o, mal-qara bəslədikləri qardaşı ilə işə gedərkən qəhvə və səhər yeməyi almaq üçün mağazada dayanıb.
Mağazada kişi lotereya cekpotunun az qala 400 min dollara yüksəldiyini görüb və bilet almaq qərarına gəlib. “Maşına qayıtdım və ilk yoxladığım şey bilet oldu. Üç uyğun rəqəm görəndə gözlərimə inanmadım və mobil proqram vasitəsilə püşkatmanın nəticəsini bir daha yoxladım. Və həqiqətən də qalib gəldim!” amerikalı bildirib.
Miller 390 min dollar qazanıb. Onun sözlərinə görə, bu pul ona həyatının sonrakı mərhələsində çox kömək edəcək. “Pul toya və evin təmirinə xərclənəcək. Onlar, şübhəsiz ki, bu məqsədlərin hər ikisi üçün çox faydalı olacaqlar,” Miller əlavə edib.
