Şotlandiyanın Baş naziri, Pakistan əsilli Humza Yusif bildirib ki, həyat yoldaşının valideynləri Qəzzada "tələyə düşüblər" və bu onu İsrailin hücumundan sağ çıxa biləcəkləri barədə narahat edib.
Hafta.az-ın yazdığına görə, Həmasın həftə sonu İsrailə qəfil hücumu zamanı Yusifin həyat yoldaşının valideynləri Qəzzada yaşayan bir ailəni ziyarət edirdilər. "Onlar Qəzzada tələyə düşüblər. İsraillilər onlardan Qəzzanı tərk etmələrini istəyiblər, onlara Qəzzanın faktiki olaraq xarabalığa çevriləcəklərini deyiblər, amma onların gedəcək yerləri yoxdur, gedə bilmirlər, Qəzza blokadadır”, - Yusif BBC-yə müsahibəsində bildirib.
İslamçı Həmas qruplaşmasının 700 israillini öldürdüyü və onlarla adamı oğurladığı zaman tarixinin ən qanlı hücumlarından birinə cavab olaraq İsrail Fələstinin Qəzza anklavına hava zərbələri endirir və yüzlərlə insanı öldürür.
İsrail ordusu, 300 min ehtiyat əsgəri orduya çağırdığını və Qəzza zolağına tam mühasirəyə aldığını, HƏMAS-ı məğlub etmək üçün orada qurudan hücum planlaşdırdığını bəyan edib. "Xarici ofisin köməyi olsa belə, onlar heç bir sərhədə təhlükəsiz keçidə zəmanət verə bilməzlər. Ona görə də təsəvvür edə bilərsiniz ki, arvadım və mən, düzünü desəm, valideynlərimizin sağ olub-olmamasından narahatıq”, - baş nazir deyib.
Müsəlman olan 38 yaşlı Yusif bu ilin əvvəlində hakim Şotlandiya Milli Partiyasına rəhbərlik etmək üçün keçirilən səsvermədə qalib gəlib və o, yaxın tarixdə Qərbi Avropada bir ölkəyə rəhbərlik edən ilk müsəlman olub.
Şotlandiyada səhiyyə və təhsil kimi məsələlərə cavabdeh olan yarı muxtar hökumət var. İmmiqrasiya və müdafiə kimi digər vəzifələr Londondakı Britaniya hökuməti tərəfindən idarə olunur.
-1782311317.jpg&h=173&w=263&zc=1&q=80)
