Türkiyə "Polad Günbəz" kimi tanınan "SIPER-2" adlı yeni hava hücumundan müdafiə sistemini uğurla sınaqdan keçirib. Bu sistem Türkiyənin "Aselsan", "Roketsan" və "Tübitak SAGE" şirkətləri tərəfindən hazırlanıb. "SİPER-2" bir neçə komponentdən, o cümlədən Sungur yer-hava raket sistemi, "SIPER" uzun mənzilli hava hücumundan müdafiə sistemi və lazer qurğusundan ibarətdir.
Hafta.az xəbər verir ki, bu barədə Türkiyənin "NTV" nəşri məlumat yayıb.
"SIPER-2"-nin əsas xüsusiyyətlərinə hər biri altı raket atmağa qadir olan səkkiz buraxılış qurğusundan eyni vaxtda raket atmaq imkanı daxildir. Bundan əlavə, sistem “dost və ya düşmən” hədəf identifikasiyası funksiyası ilə təchiz edilmişdir. Bildirilir ki, "SIPER-2" qanadlı raketlər, qırıcılar, hava-yer raketləri, pilotsuz təyyarələr və gələcəkdə ballistik hədəflər kimi hər cür hava təhdidini ələ keçirə biləcək.
