Ukrayna üçün sovet tanklarını təmir edib milyarder oldu

10:20 18.04.2024 Müəllif:Vüsal Tağıbəyli
Yazını böyüt
Yazını kiçilt

Çexiyada sovet T-72 tanklarını modernləşdirərək Ukraynaya göndərən CSG şirkəti Ukrayna müharibəsindən sonra dövriyyəsini təxminən 3,5 dəfə artırıb. Şirkətin sahibi Mixal Strnad bununla da milyarderlər sırasına qoşulub.

Hafta.az-ın Rusiya mətbuatına istinadən yazdığına görə, əməliyyat başlayandan bəri təxminən 300 ədəd T-72 tankını təmir edən Çexoslovakiya Qrupunun (CSG) dövriyyəsi 2021-ci ilə nisbətən 560 milyon avrodan 1,73 milyard avroya yüksəlib.

Bildirilir ki, Ukrayna müharibəsindən sonra şirkətin ağır sursat istehsalı 10 dəfədən çox artıb, personal sayı isə 3 dəfə artaraq 10 min nəfərə çatıb.

Şirkətin sahibi Mixal Strnad, istehsalının qarşıdakı illər üçün tam olaraq rezervasiya edildiyini və uzun illər silaha tələbatın daha yüksək səviyyədə olacağını təxmin etdiklərini söyləyib.

Oxunma sayı 30