Polşanın ölkəmizdəki Səfirliyi, Arts Council Azerbaijan və HUMA Art Gallery-nin birgə təşkilatçılığı ilə Bakıda “Görkəmli Polşa Qadınları II” adlı sərginin açılışı olub.
Hafta.az-ın yazdığına görə, sərgi Avropa İttifaqı nümayəndəliyinin himayəsi altında təşkil edilən “FantazEU Mədəni İrs Festivalı”nın bir hissəsidir.
Bu sərgi indiyədək Azərbaycanda heç vaxt nümayiş olunmayıb və Polşanın Bakıdakı səfirliyi tərəfindən 2023-cü ildə həyata keçirilən “Görkəmli Polşa Qadınları” layihəsinin davamıdır. Sərgi görkəmli qadınların həyatı və nailiyyətləri, dünyanı yaxşılığa doğru dəyişmək üçün ürəyi və cəsarəti olan Polşa qadınları ilə tanış olmaq imkanı olacaq.
Tədbir zamanı təqdim olunan “Görkəmli Polşa Qadınları” ilə bağlı bütün hekayələr həm təsirli, həm də ruhlandırıcıdır – onlar göstərir ki, qadınlar öz arzularının arxasınca gedə və bir çox sahələrdə, o cümlədən ənənəvi olaraq “kişi” kimi qəbul edilən sahələrdə uğur qazana bilirlər.
