ABŞ-da Koloradodan olan cütlüyün toyuna ayı da təşrif buyurub.
Hafta.az xəbər verir ki, bu barədə “UPI” nəşri məlumat yayıb.
Keylin MakRossi-Martinez və Brandon Martinez toyları zamanı baş verən "sürpriz"dən danışıblar.
"Mərasimin ortasında başımıza leysan yağdı; biz və bütün qonaqlarımız tamam islandıq. Amma bu, heyrətamiz idi"- deyə gəlin “KUSA-TV”-yə müsahibəsində bildirib.
Lakin “gözlənilməz hədiyyələr” bununla bitməyib. Növbəti sürpriz qonaqların qəbulu zamanı baş verib. O zaman haradansa bir ayı peyda olub və bütün desertləri yeməyə başlayıb.
"Belə şey tez-tez olmur ki, sən desert masasına yaxınlaşırsan və görürsən ki, onun üstünə çıxmış ayı hər şeyi yeyir", -deyib Martinez.
MakRossi-Martinezin sözlərinə görə, nəticədə "mükəmməl bir Kolorado toyu" baş tutub...
