Fransa Ermənistanda ən dost ölkə hesab edilir, Rusiya isə ikinci yerdədir. Bunu “Rossotrudniçestvo”nun yaxın xaricdə on ölkədə apardığı araşdırmanın məlumatları sübut edir.
Respondentlərin 69%-i Fransanı, 54%-i isə Rusiyanı dost dövlət hesab edir. Eyni zamanda Rusiya 26%, Fransa isə 12% təhlükə hesab olunur.
Ermənistan Azərbaycanı (98%) və Türkiyəni (92%) ən dost olmayan (münasibətləri ziddiyyətli və təhdid edən) hesab edir.
Rusiyanı dost dövlət kimi qəbul edənlərin ən çox hissəsi Cənubi Osetiya (97%), Abxaziya (97%) və Tacikistandadır (96%). Onları Qırğızıstan (79%), Belarus (74%), Özbəkistan (67%) və Qazaxıstan (58%) izləyir.
Rusiyaya müsbət münasibət bildirən respondentlərin ən az hissəsi Azərbaycan (38%) və Moldovada (50%) olub. Azərbaycanda Rusiya ən dost ölkələr arasında cəmi 12-ci yerdədir. Eyni zamanda, həm Azərbaycanda, həm də Moldovada Ukrayna Rusiyadan daha dost ölkə hesab olunur: müvafiq olaraq 78% və 54%.
Azərbaycanlılar Türkiyəni ən dost ölkə hesab edirlər - respondentlərin 99%-i, Ermənistan - 98%-i isə ən dost olmayan ölkədir.
Tədqiqat “Rossotrudniçestvo”nun sifarişi ilə Azərbaycan, Ermənistan, Belarus, Qazaxıstan, Qırğızıstan, Moldova, Tacikistan, Özbəkistan, Abxaziya və Cənubi Osetiyada Avrasiya Monitorinq Assosiasiyası ilə birlikdə VTsİOM tərəfindən aparılıb.
