Rusiya 2025-ci ilin martında Çinə neft nəqlində hələ də liderlik etdiyi halda, Səudiyyə Ərəbistanı və Malayziya bu fərqi tez bir zamanda bağladı. Çin Gömrük İdarəsinin məlumatlarına görə, Rusiyanın Çinə gündəlik orta neft ixracı fevral ayı ilə müqayisədə 3 faiz artaraq 2,08 milyon barrelə çatıb. Bu artımla Çin Rusiyadan ümumilikdə 8,85 milyon ton xam neft idxal edib və bunun müqabilində 4,52 milyard dollar ödəyib.
Hafta.az-ın yazdığına görə, bununla belə, eyni dövrdə Səudiyyə Ərəbistanının Çinə neft ixracı təxminən 30 faiz artaraq 8,45 milyon tona çatıb. Malayziya da 26 faizdən çox artımla 8,75 milyon ton ixrac həcminə çataraq Rusiyaya demək olar ki, çatdı. Bu məlumatlar Çinin neft tədarükünün diversifikasiyasına doğru getdiyini və Rusiyanın hökmranlığının artıq əvvəlki kimi sarsılmaz olmadığını göstərir.
Digər tərəfdən, İraq da mart ayında Çinə neft satışını 43 faiz artıraraq diqqətəlayiq yüksəliş əldə edib. İranın ixracı 4,63 milyon ton təşkil edib. OPEC-in məlumatları göstərir ki, həm Çin, həm də Hindistan Rusiyadan neft alışlarında azalma müşahidə ediblər. Fevralda Çinin idxalında Rusiya neftinin payı 1 faiz azalsa da, Rusiya hələ də Çinin ən böyük neft tədarükçüsü statusunu qoruyub saxlayır.
