Azərbaycan Respublikası Dövlət Neft Şirkəti (SOCAR) ilə Türkiyənin "GAMA Enerji" şirkəti arasında, eləcə də "Büyükfırat" MMC ilə "Les Benjamins" Tekstil Ticarət Anonim Şirkəti arasında Saziş imzalanıb.
Hafta.az xəbər verir ki, imzalanma mərasimi II Azərbaycan-Türkiyə İnvestisiya Forumu çərçivəsində baş tutub.
10:15
Bakıda Azərbaycan İqtisadiyyat Nazirliyi və Türkiyənin Ticarət Nazirliyinin dəstəyi, İxracın və İnvestisiyaların Təşviqi Agentliyi (AZPROMO), Türkiyə-Azərbaycan İş Adamları və Sənayeçiləri İctimai Birliyinin (TÜİB) birgə təşkilatçılığı ilə II Azərbaycan–Türkiyə İnvestisiya Forumu keçirilir.
Hafta.az xəbər verir ki, forumda hər iki ölkədən yüksəkvəzifəli rəsmi şəxslər, dövlət qurumları, iş adamları, sahibkar birlikləri və palataları təmsil edən 500-dən çox nümayəndə iştirak edir.
Tədbir Azərbaycan və Türkiyə arasında iqtisadi inteqrasiyanın dərinləşdirilməsi, biznes əməkdaşlığının genişləndirilməsi və yeni investisiya imkanlarının təqdim olunması üçün strateji əhəmiyyət daşıyır.
Forum açılış mərasimi, imzalanma mərasimi, investisiya təqdimatları və 4 tematik paneldən ibarət olacaq.
