Apple pərəstişkarları və texnologiya həvəskarları tərəfindən maraqla gözlənilən iPhone 16 seriyası nəhayət "It's Glowtime" tədbirində təqdim edildi. Bəs, ən ucuz iPhone 16 hansı ölkədədir?
Hafta.az-ın yazdığına görə, təqdim olunan bu yeni seriya iPhone 16, iPhone 16 Plus, iPhone 16 Pro və iPhone 16 Pro Max modellərindən ibarətdir. Bununla belə, iPhone 16-nın beynəlxalq qiymətləri diqqət çəkən mövzuya çevrilib. Beləliklə, ən ucuz iPhone 16 hansı ölkədədir?
Türkiyə bir müddətdir dünyanın ən bahalı iPhone-larının satıldığı ölkə olub və bu, iPhone 16 seriyasında da dəyişməyib. iPhone 16 seriyasının ən baha satıldığı ölkə yenə Türkiyədir. Standart iPhone 16 modeli ABŞ-da 799 dollara satıldığı halda, Türkiyədə qiymət 64999 lirə və ya 1906 dollardır. Eyni şəkildə ABŞ-da qiyməti 999 dollar olan iPhone 16 Pro, Türkiyədə təxminən 2435 dollara təqdim edilir. iPhone 16 Pro Max modeli ABŞ-da 1199 dollara, Türkiyə isə 2935 dollara satılır.
Ən ucuz iPhone 16 Kanada və Çində satışa çıxarılır. Məsələn, iPhone 16-nın Çində qiyməti 5999 yuandır ki, bu da təxminən 843 dollar edir. Kanadada bu modeli 1119 Kanada dollarına (823 ABŞ dolları) almaq olar.
ABŞ bazarında iPhone 16 - 799 dollar, iPhone 16 Plus - 899 dollar, iPhone 16 Pro - 999 dollar, iPhone 16 Pro Max - 1199 dollardır.
Çində iPhone 16 - 843 dollar, iPhone 16 Pro Max - 1400 dollardır.
Yaponiya bazarında iPhone 16 – 871 dollar, iPhone 16 Pro Max – 1323 dollardır.
Kanadada iPhone 16 – 823 dollar, iPhone 16 Pro Max - 1290 dollardır.
Honq Konqda iPhone 16 – 1120 dollar, iPhone 16 Pro Max – 1310 dollardır.
Tailand bazarında iPhone 16 – 885 dollar, iPhone 16 Pro Max – 1450 dollardır.
Rusiyada iPhone 16 - 1265 dollarla 1758 dollar arasında, iPhone 16 Plus – 1483 dollarla 1980 dollar arasında, iPhone 16 Pro – 1704 dollarla 2528 dollar arasında, iPhone 16 Pro Max isə 2143 dollarla 2804 dollar arasında satışa çıxarılıb.
Dubayda (BƏƏ) iPhone 16 – 926 dollar, iPhone 16 Pro Max – 1390 dollaradır.
Gürcüstanda iPhone 16 modelinin satış qiyməti 1199 dollar, iPhone 16 Pro Max isə 1599 dollara satılır…
