Kasıb ölkələr 1 milyard doza COVID-19 vaksini alıb

18:55 16.01.2022 Müəllif:Hafta.az
Yazını böyüt
Yazını kiçilt

COVAX proqramı fəaliyyət göstərdiyi müddətdə kasıb ölkələr üzrə 1 milyard doza COVID-19 vaksini göndərib, lakin bu sahədə hələ görüləsi çox iş var.

Hafta.az xəbər verir ki, bu barədə “Associated Press” agentliyi Ümumdünya Səhiyyə Təşkilatının (ÜST) bəyanatına istinadla məlumat yayıb. COVAX proqramı üzrə vaksinlərin 144 ölkəyə daxil olduğu bildirilir.

ÜST-nin məlumatına görə, təşkilatın 194 üzv ölkəsindən 36-sı əhalinin 10 faizdən azını, 88 ölkəsi isə 40 faizdən az hissəsini peyvəndləyə bilib. ÜST-nin Baş direktoru Tedros Adhanom Qebreyesus dekabrın sonlarında dünya ölkələrini 2022-ci ilin iyulunadək sakinlərin 70 faizini vaksinasiya etməyə çağırmışdı.

Amerikanın Con Hopkins Universitetinin informasiyasına əsasən, dünya üzrə COVID-19-a qarşı tətbiq edilən vaksin dozalarının miqdarı 9 milyard 615 milyonu ötüb.

Oxunma sayı 37