Qlobal qəhvə qiymətləri yenidən 4 faizdən çox artıb və son 10 ilin ən yüksək səviyyəsinə çataraq 263 dollar olub. Bu rəqəm 2022-ci ildəki zirvədən də yuxarıdır. Bəs qlobal qəhvə qiymətlərindəki bu artımın arxasında nə dayanır, artımın səbəbi nədir?
Hafta.az-ın yazdığına görə, qəhvəsevənləri narahat edəcək inkişaflar bir-birinin ardınca gəlir. Qəhvə bahalaşır. Son artımlarla qəhvə epidemiya zamanı pik həddini keçərək son 10 ilin ən yüksək səviyyəsinə çatıb. 2020-ci ilin yanvarında 98 dollar olan qəhvənin qiyməti 2024-cü ildə 263 dollara yüksəlib.
Bu yüksəlişə qəhvənin ən çox istehsal edildiyi ölkələrdə tədarükə təsir edən təbii fəlakətlər səbəb olub. Braziliyadakı quraqlıq və Vyetnamdakı tayfun da bu inkişaflar arasındadır.
Braziliyadakı quraqlıq qəhvənin məhsuldarlığını 20 faiz azaldıb. Vyetnamda təsirli olan “Yagi” tayfunu qəhvə sahələrini də viran qoyub.
Qəhvə qiymətlərindəki bu artım istehlakçıya da öz təsirini göstərir. Avropada kafelərdə orta qəhvə qiyməti 2024-cü ildə 10 faiz artıb. Başqa sözlə, qəhvə istehsalçılarının problemi bütün dünyada qəhvə həvəskarlarının qiymət artımında özünü göstərdi.
Mütəxəssislər qəhvə istehsalının qlobal iqlim dəyişikliyindən mənfi təsirləndiyini və fövqəladə hava hadisələrinin artması ilə qiymətlərin qalxmağa davam edəcəyini proqnozlaşdırırlar. Bu o deməkdir ki, istehlakçılar hər gün qəhvəni daha baha istehlak edəcəklər.
