Ukraynaya qarşı qanlı müharibə aparan Rusiya ordusunda iğtişaşlar artır. İşğal olunmuş Ukrayna ərazilərində, xüsusən də Krımda fəaliyyət göstərən “Atəş” kimi tanınan gizli müqavimət hərəkatı bəzi rus hərbçilərin Ukrayna əsgərlərini atəşə tutmaq əmrini yerinə yetirmədiyini bildirib.
Hafta.az-ın yazdığına görə, bu arada, “Atəş” hərəkatının bəyanatında qeyd olunub ki, Rusiya ordusunun itaətsizliyi təkcə itaətsizliklə məhdudlaşmayıb; öz hərbi maşınlarını yandırdıqlarını da qeyd edib. Sözügedən hadisə 24-cü motoatıcı alayında baş verib ki, həmin alayın cəbhəyə keçirilməsinin qarşısını almaq üçün avtomobilləri qəsdən məhv edib.
Bundan əlavə, Ukrayna Müdafiə Nazirliyinin məlumatına görə, hər gün onlarla rus əsgər təslim olur. Onların Rusiya ordusunda xidmətdən yayınmaq üçün “Yaşamaq istəyirəm” adlı mobil proqramdan istifadə etdiyi bildirilir. Tətbiq təslim olmaq istəyən əsgərlər üçün təhlükəsiz rabitə və bələdçilik təmin edir.
