11-ci Beynəlxalq İpək Yolu İncəsənət Festivalı dünən Çinin şimal-qərbindəki Şaansi əyalətinin paytaxtı Sian şəhərində açılıb. 25 gün davam edəcək tədbirdə 80-dən çox ölkə və regiondan nümayəndələr iştirak edir.
Hafta.az-ın yazdığına görə, festival açılış və bağlanış mərasimləri, ifaçılıq sənəti sərgisi çərçivəsində çıxışlar, “Bu gün İpək Yolu” beynəlxalq incəsənət sərgisi və beynəlxalq mədəniyyət mübadiləsi daxil olmaqla dörd hissədən ibarətdir.
Festivalın proqramında incəsənəti daha əlçatan etmək üçün ilk növbədə universitetlərdə, məhəllələrdə və ticarət mərkəzlərində təşkil olunan ümumilikdə 46 tamaşa nümayiş olunacaq.
Xatırladaq ki, ilk beynəlxalq İpək Yolu İncəsənət Festivalı 2014-cü ildə keçirilib. O vaxtdan bu günə kimi 120-dən çox ölkə və regiondan iştirakçılar iştirak edib. Bu günə qədər sərgi, 4500-dən çox sənət əsərini nümayiş etdirib və ümumilikdə 7200-ə yaxın rəssamın qatıldığı 300-dən çox tamaşa nümayiş olunub, Çin və dünyanın qalan hissəsi arasında mədəni mübadilələri gücləndirib.
