Martın 31-də Türkiyədə keçirilən yerli seçkilərdə ana müxalifət partiyası olan Cümhuriyyət Xalq Partiyası – CXP səslərin 37,76 faizini alaraq birinci olsa da, heyrətedici dərəcə az səs toplayan siyasi partiylar da adlarını tarixə yazdırdılar.
Hafta.az-ın yazdığına görə, Bolunun Mudurnu rayonunda bələdiyyə başqanlığına namizəd irəli sürən Güc Birliyi Partiyası sakinlərdən gözlədiyi diqqəti görməyib. Məlumata görə, Güc Birliyi Partiyasının namizədi Mustafa Doğramacı cəmi 3 səs toplayıb.
Araşdırmaçı Mərt Uzunsoy Güc Birliyi Partiyasının aldığı səsin Türkiyədə ilk dəfə olaraq bir partiyanın aldığı ən aşağı səs kimi qeyd edildiyini bildirib.
Uzunsoy deyib: “Seçki məlumatlarını bir çox aspektdən nəzərdən keçirib təhlil edəcəyik, amma əvvəlcə ən maraqlı məlumatlardan birini paylaşım. Yalnız Mudurnuda seçkiyə qatılan Güc Birliyi Partiyası cəmi 3 səs toplayıb və cümhuriyyət tarixində seçkilərdə ən az səs toplayan siyasi partiya olub”.
-1781888309.jpg&h=173&w=263&zc=1&q=80)
