Ekspertlərin fikrincə, dekabrda ABŞ-ın ikinci dərəcəli sanksiyaları birbaşa enerjini hədəfə almasa da, bu, Ankaranın Rusiya xam nefti üçün bəzi ödənişlərini və Rusiyanın Türkiyə ixracatına görə ödənişlərini geniş şəkildə çətinləşdirib.
Hafta.az-ın yazdığına görə, Türkiyənin üzləşdiyi ödəniş problemləri də eyni şəkildə Rusiyanın Hindistan, Birləşmiş Ərəb Əmirlikləri və Çinə daşımalarını çətinləşdirib. Lakin ABŞ-ın bütün bu sanksiyalarına baxmayaraq, Rusiya NATO üzvü Türkiyənin ən böyük xam neft və dizel ixracatçısıdır.
Rusiya 2023-cü ilin noyabrına qədər olan 11 aylıq dövrdə cənub qonşusu Türkiyəyə 8,9 milyon metrik ton xam neft və 9,4 milyon ton dizel tədarük edib.
2022-ci ildə Rusiyadan xam neft idxalı iki dəfədən çox artaraq 12 milyon tona çatıb. 2023-cü ilin yanvar-noyabr dövründə Türkiyəyə 8,9 milyon ton neft tədarük edən Rusiya, əvvəlki ilə nisbətən yüzdə 20 azalma yaşasa da, müharibədən əvvəlki orta göstəricinin üstündə olmaqda davam edir.
