8 il əvvəl xərçəng səbəbiylə burnunun bir hissəsini itirən fransalı qadın inkişaf edən texnologiya sayəsində burnunu və iybilmə qabiliyyətini bərpa edib.
Adı yalnız Karine kimi tanınan bir uşaq anası olan fransız 8 il əvvəl mübarizə apardığı sinus xərçəngi səbəbiylə burnunun bir hissəsini itirib.
2013-cü ildən bəri burnunun bir hissəsi itərək həyatını yaşayan 50 yaşlı qadın görünüşünə görə evdən çıxmağa qorxub.
Ancaq inkişaf edən tibbi texnologiya sayəsində qadın illər sonra həm burnunu, həm də qorxu hissini bərpa edib.
Əldə edilən məlumata görə, Karini müalicə edən həkimlər radioterapiya və kimyaterapiya müalicələrindən əvvəl qadın üçün 3D printer ilə 'biomaterial' materialdan istifadə edərək süni burun hazırlayıblar.
3D çap olunmuş bu burun qadının qoluna yerləşdirilib ki, hüceyrələr və damarlar böyüsün. Bildirilir ki, həkimlər bu nahiyəni qolun dərisi üz dərisi kimi nazik olduğundan seçirlər.
Carine əməliyyatdan əvvəl 2 ay üzünə köçürüləcək burnu daşıyıb və hər şeyin qaydasında olduğundan əmin olmaq üçün tez-tez müayinələrə gedib.
Tuluza Universiteti Xəstəxanası və Klaudius Reqaud İnstitutunun LOR mütəxəssislərinin iştirakı ilə keçirilən uğurlu əməliyyatda qoldakı böyüdülmüş burun üzə köçürülüb. Həkimlər mikrocərrahiyyə üsulu ilə süni burundakı qan damarlarını üzdəki damarlarla birləşdiriblər.
Xəstə sağaldıqdan sonra verdiyi ilk ifadəsində yeni burnundan çox məmnun olduğunu, artıq daha rahat nəfəs aldığını, bağçasındakı gülləri iyləyə bildiyini bildirib.
