Səudiyyə Ərəbistanı Kral Feysəl İxtisaslaşdırılmış Xəstəxana və Araşdırma Mərkəzinin baş direktoru Dr. Məcid əl-Fəyyad izah edib ki, əvvəllər xərçəng demək olar ki, “ölüm hökmü” idi, amma indi vəziyyət dəyişib. Fəyyad sağalma nisbətinin artaraq yüzdə 50-yə çatdığını, bəzi xərçəng növlərində isə yüzdə 97-yə yüksəldiyini deyib. Xərçəng xəstəxanasında müalicə alan xəstələrin yüzdə 50-nin tam sağaldığını qeyd edən Dr. Fəyyad, lösemi və döş xərçənginin erkən aşkarlanması ilə müalicə nisbətinin yüzdə 90-a çatdığını bildirib.
Hafta.az-ın Şarkul Avsat-a istinadən yazdığına görə, Fəyyad, "Əl-Livan" proqramına verdiyi müsahibədə, hər il 20 min xərçəng hadisəsinin aşkar edildiyini, onlardan 16 mininin səudiyyəli olduğunu söyləyib. İxtisaslaşdırılmış Xəstəxananın Səudiyyə Ərəbistanında son bir ildə xərçəng diaqnozu qoyulan pasientlərdən 25 faizini müalicə etdiyini və bu nisbəti iki dəfə artırmağı hədəflədiyini ifadə edib. O, xəstəxananın Səudiyyə Səhiyyə Şurasına, daha sonra onun inteqrasiya olunmuş milli qeydiyyat sisteminə tabe olduğunu vurğulayıb.
Xəstəxananın qurulma prosesi ilə bağlı açıqlamalar verən Fəyyad Kral Feysəlin müalicə üçün xaricə getməli olan insanların əziyyətinə son qoymaq istədiyini bildirib. Bu çərçivədə o, 1,5 il əvvəl açılan Mədinə filialının cəmi 100 çarpayı ilə başlayan prosesdə bütün şimal xalqına xidmət etdiyini və hazırda 2400 yataq tutumu ilə fəaliyyət göstərdiyini vurğulayıb. O əlavə edib ki, xəstəxana beş əsas ixtisas üzrə: xərçəng, orqan transplantasiyası, ürək, sinir və genetik xəstəliklər üzrə fərqlənməklə yanaşı, həm də böyük təcrübə qazanaraq, tibbi xidmətlərin əksəriyyətini özü təqdim edir.
Fəyyad Səudiyyə rəhbərliyinin səhiyyə sektorunda və həyatın bütün sahələrində vətəndaşlara göstərdiyi qeyri-məhdud dəstəyi yüksək qiymətləndirib.
Dr. Fəyyad açıqlamasında, ixtisaslaşdırılmış xəstəxananın kök hüceyrə bankı qurduğunu və 830-unun təkcə Ər-Riyadda olmaqla 116 transplantasiya edildiyini bildirərək, ABŞ-ın ən böyük mərkəzində cəmi 770 transplantasiya edildiyini xatırladıb. Oxşar, ya da üstün nəticələrə sahib olduqlarına diqqət çəkən Fəyyad, xəstəxananın ildə 600 cərrahiyyə əməliyyatı həyata keçirdiyini, 1100 əməliyyatın edildiyi Avropa qitəsinin ümumi əməliyyatlarının yüzdə 50-dən çoxunu təşkil etdiyini və beləliklə də dünyanın ən böyük preimplantasiyalarından biri olduğunu söyləyib.
Fəyyad açıqlamasında transformasiya prosesinə də toxunub. Dövlətin milli sağlamlıq sığortası proqramı vasitəsilə çətin vəziyyətlərin müalicə xərclərini qarşılamağa davam edəcəyini və sığorta şirkətlərinin də bu proqramda iştirak edəcəyini deyən Fəyyad, xəstələrin gözləmə siyahılarının xəstəxananın üstün və tibbi sığorta təmin etməkdəki uğurunun mükafatı olduğunu da bildirib. Keyfiyyətli səhiyyə xidmətlərinin tutumunu artırmağa sövq etdiyini və üç il əvvəl 22 min yeni xəstə qəbul edildiyi halda, bu gün ildə 38 min xəstənin qəbul etmək imkanına çatdıqlarını əlavə vurğulayıb.
Xatırladaq ki, sözügedən səhiyyə ocağı "Brand Finance"ə görə, 2023-cü il üçün dünyanın ən yaxşı səhiyyə müəssisələri siyahısında 20-ci, Yaxın Şərq və Afrikada isə birinci yeri tutub.
