Bakıya yayılan pis qoxunun səbəbi məlum oldu - Rəsmi

15:00 07.07.2020 Müəllif:Hafta.az
Yazını böyüt
Yazını kiçilt

Ötən gün axşam saatlarında Bakı şəhərinin Nərimanov və Binəqədi rayonlarında ətrafa kəskin iy-qoxunun yayılması ilə bağlı Ekologiya və Təbii Sərvətlər Nazirliyinin mütəxəssislərinin su nümunəsi üzərində aparıldıqları monitorinq və analizlərin nəticələri məlum olub.

Hafta.az xəbər verir ki, nazirliyin Milli Hidrometeorologiya Xidmətinin rəis müavini Vasif Əliyev nəticələrə görə nümunələrin yaşılımtıl rəngli və bataqlıq qoxulu olduğunu deyib.

O bildirib ki, codluq 1.8,  xlorid ionu 15.5,  ammonium ionu 5.3, sulfat ionu 2.5 dəfə çoxdur. Ümumilikdə ionlar normadan 11.6  dəfə çox qeydə alınıb. 

 

V.Əliyev qeyd edib ki, Sobsan fabrikində baş vermiş yanğın zamanı yaranmış tullantıların da Böyük Şor gölünə axıdılması ehtimal olunur və bununla bağlı araşdırmalarımız davam edir:

 

"Son günlər Bakı şəhəri, Abşeron yarımadasında  yüksək temperaturun, durğun hava şəraitinin müşahidə edilməsi də iy-qoxunun daha da kəskinləşməsinə səbəb olub".

Oxunma sayı 828
Sosial rubrikasından digər xəbərlər