Qocaman jurnalist, publisist Qalib Əhmədov dünyasını dəyişib.
Hafta.az xəbər verir ki, bu haqda mərhumun dostları bildiriblər.
Qalib Əhmədov 1949-cu il iyunun 1-də Azərbaycanda Qəbələ rayonunun Sileyli kəndində anadan olub. Orta məktəbini bitirdikdən sonra Azərbaycan Dövlət Universitetində ali təhsil alıb.
Əmək fəaliyyətinə Qəbələ rayonunda müəllim kimi başlayıb, sonra Sumqayıtda 49 saylı orta texniki-peşə məktəbində işləyib.
Fəaliyyətini jurnalistikada davam etdirən Q.Əhmədov "Təşviqatçı", "Dialoq" jurnallarında şöbə müdiri (1980-1990), "Azərbaycan kommunisti" və "Dirçəliş" jurnallarında şöbə müdiri, "Ayna" qəzetində tərcüməçi (1990-1993), "Xalq qəzeti", "Yeni Azərbaycan" qəzetlərində ədəbi işçi, şöbə müdiri, redaktor müavini (1996-1998), "Respublika" (2004-2006), "Azərbaycan" (2006-2008) qəzetlərində müxbir, bölgə müxbiri vəzifələrində işləyibr. 1998-ci ildən "Dünyaya pəncərə" qəzetinin baş redaktoru idi.
Azərbaycan Jurnalistlər Birliyinin üzvü idi.
Allah rəhmət eləsin...
