Qazaxıstan Milli Statistika Bürosunun açıqladığı məlumatlara görə, 1 iyun 2026-cı il tarixinə ölkə əhalisi 20 milyon 576 min nəfərə çatıb. Bu, ilin əvvəlindən bəri 0,37 faiz artım deməkdir. İlk beş ayda səkkiz bölgədə əhali artıb, bir bölgədə dəyişməz qalıb, digərlərində isə azalıb.
Hafta.az yazır ki, əhalinin artımı ölkə üzrə orta göstəricidən yüksək olan bölgələr Astana (2,17 faiz), Şımkent (1,09 faiz), Almatı vilayəti (0,94 faiz), Almatı şəhəri (0,78 faiz) və Manqistau vilayəti (0,54 faiz) olub.
Ən çox əhali azalması Ulıtau bölgəsində (0,40 faiz), ardınca Abay (0,36 faiz), Şimali Qazda qeydə alınıb.
Yanvar-may ayları arasında Şimali Qazaxıstan, Şərqi Qazaxıstan və Kostanay bölgələrində təbii əhali azalması müşahidə olunub. Bu bölgələrdə ölüm sayı doğum sayından çox olub.
Miqrasiya məlumatlarına görə, yalnız Astana, Almatı və Şımkent şəhərləri, eləcə də Akmola və Almatı vilayətləri müsbət miqrasiya balansı göstərib. Digər bütün bölgələrdə gedənlərin sayı gələnlərin sayından çox olub.
İlin əvvəlindən bəri ölkədə şəhər əhalisi 0,64 faiz artıb, kənd əhalisi isə 0,10 faiz azalıb. Beləliklə, Qazaxıstanda şəhərlərdə yaşayan əhalinin xüsusi çəkisi 64 faizə yüksəlib.
