Rusiya müsəlman ölkələri ilə ticarətini artırıb

10:33 18.04.2024 Müəllif:Vüsal Tağıbəyli
Yazını böyüt
Yazını kiçilt

Rusiya baş nazirinin müavini Marat Hüsnullin Rusiya ilə İslam Əməkdaşlıq Təşkilatı (İƏT) ölkələri arasında ticarət həcminin son üç ildə 37 faiz artaraq 156 milyard dollara çatdığını açıqlayıb.

Hafta.az-ın yazdığına görə, “Rusiya - İslam Dünyası: KazanForum” adlı forumun təşkilat komitəsinin iclasında çıxış edən Hüsnullin qeyd edib ki, tədbir Rusiya ilə təşkilat ölkələri arasında kommersiya, iqtisadi, elmi-texniki, sosial və mədəni əlaqələrin möhkəmləndirilməsi üçün platformadır.

Mayın 14-19-da Kazan Ekspo Beynəlxalq Sərgi Mərkəzində keçiriləcək forumun təşkilat komitəsinə Hüsnüllin sədrlik edəcək.

Tatarıstanın paytaxtı Kazanda 2009-cu ildən Rusiya ilə İslam Əməkdaşlıq Təşkilatı ölkələri arasında “Rusiya - İslam Dünyası: KazanForum” adlı Beynəlxalq İqtisadi Forum keçirilir.

Sözügedən forum Rusiya ilə İslam Əməkdaşlıq Təşkilatı ölkələri arasında əlaqələrin dərinləşdirilməsi üçün mühüm platformadır.

Oxunma sayı 21