Separatçı rejim Xocalının Dərələyəz kəndində 92 yeni ev tikir - FOTO

14:31 16.09.2021 Müəllif:Sultan Laçın
Yazını böyüt
Yazını kiçilt

Azərbaycan Respublikasının hələlik Rusiyanın rəsmən sülhməramlı sayılan hərbi kontingentinin nəzarətində qalan ərazisindəki separatçı-terrorçu rejim tör-töküntüləri torpaqlarımızda quruculuq görüntüsü yaratmaq üçün mümkün işləri görməkdə davam edirlər.

Hafta.az xəbər verir ki, Xankəndindəki separatçı nəşrlərin yaydığı məlumata görə,  Xocalı  rayonunun “Ovsepavan” adlandırılmış Dərələyəz kəndində Azərbaycan ordusunun  44 günlük savaşı nəticəsində  könüllü olaraq yaşadıqları əraziləri tərk etmiş  92 erməni ailəsi üçün yeni bir yaşayış massivi tikilir.

“Hazırda qazıntı, təməl və divar tikintisi davam edir. Yeni massivdə həyətyanı torpaq ilə birlikdə hər birinin sahəsi 1200 kvadratmetr olan 92 həyət evi tikiləcək. Evlər 2, 3, 4 və 5 otaqlı olacaq. Ərazidə yaşıllıqlar olan istirahət guşələri, uşaq meydançası, inzibati bina, məktəb salınacaq. Tikinti işlərini “Kapavor” şirkəti həyata keçirir. İlkin məlumatlara görə, tikinti 2022 -ci ilin dekabrında başa çatacaq”- xəbərdə belə deyilir.

Oxunma sayı 894
Gündəm rubrikasından digər xəbərlər