ABŞ-ın İllinoys ştatında təyyarəyə gecikməmək üçün bir şəxs buldozeri oğurlayıb. Oğru Timoti J.Baggott başqa ştatda tutulub.
Hafta.az-ın "Fox 19"a istinadən yazdığına görə, Villiamson Kounti şerif Ofisinin məlumatına əsasən, hadisə ötən həftə Cənubi İllinoys Veteranlar Hava Limanında baş verib.
Təhlükəsizlik kamerasına əks olunan görüntülərdə Baggottun hava limanına buldozerlə gəldiyi və onu dayanacaqda qoyduğu görünür. Daha sonra oğru gitara qutusunu maşından çıxarır və öz təyyarəsinə doğru yola düşür.
Polis qrupları avtoparkda traktorun tapıldığı xəbərinin ardından hava limanına gedib. Maşının sahibi az sonra dayanacağa gəlib. Şerif Ceff Dayederiç bildirib ki, traktor oğurlanmadan əvvəl hava limanından təxminən 16 kilometr aralıda tikinti sahəsində olub.
Nevadada tutulan Baggott saxlanıldıqdan sonra sərbəst buraxılıb. Lakin oğru bir gün sonra başqa avtomobil oğurladığı üçün yenidən tutularaq Elko bölgə həbsxanasına yerləşdirilib.
Şerif Dayederiç oğurluğu "unikal" adlandırıb.
