Ukraynanın müharibədən sonrakı bərpasına bir trilyon dollardan çox vəsait xərclənməli olacaq. Bunu Ukrayna Prezidenti Vladimir Zelenski Beynəlxalq Sərgilər Bürosunun Baş Assambleyasına Odessanın “Expo 2030” sərgisinə ev sahibliyi etmək iddiasını təqdim edən videomüraciətində deyib.
Prezidentin sözlərinə görə, Ukraynada tərəfdaş ölkələrə regionlar, şəhərlər və ya müəssisələr üzərində “patronaj” etməyə imkan verən sistem hazırlanır. “Biz artıq bu proqrama Fransa, Böyük Britaniya, Hollandiya, Almaniya, Danimarka, Finlandiya, İtaliya, Türkiyə, Polşa, Portuqaliya, Çexiya, Sloveniya, Latviya, Estoniya, İsveçrə, Slovakiya, Avstriya, Yunanıstan, Kanada, ABŞ, Yaponiya və Avstraliyanı daxil etmişik. Bu isə tam siyahı deyil”, - Zelenski bildirib.
2022-ci ilin yayında Ukrayna hakimiyyəti ölkənin yenidən qurulması xərclərini 750 milyard dollar qiymətləndirib. Payızda Rusiya Ukraynanın enerji sistemi olan Ukrayna şəhərlərinə kütləvi zərbələr endirməyə başlayıb. “Ukrenerqo”nun məlumatına görə, nəticədə ölkədəki bütün əsas istilik və su elektrik stansiyaları zədələnib. Ukrayna hakimiyyətinin hesablamalarına görə, enerji obyektlərinə dəymiş ziyan təxminən iki milyard dollar təşkil edib.
