Yaxşı film ruh üçün iksir kimidir. Ona görə də soyuq və qaranlıq axşamlarda insana hərarət verən filmləri və qısametrajlı serialları təqdim etmək qərarına gəldik.
Hafta.az həmin filmlərdən bəziləri ilə oxucularını tanış edir:
"Bayramlar dəyişəndə", IMDb reytinqi 7.10-dur
Məşhur aktyorların ifasında möhtəşəm klassika. Amanda Los-Ancelesdə yaşayır və redaktor işləyir. İris isə Surreydə (İngiltərənin cənub-şərqində bir mahal) yaşayan jurnalistdir. Qızlar Milad bayramında iki həftə evlərini dəyişməyə qərar verirlər - hər ikisi problemli sevgi münasibətlərini unutmağa çalışır, amma sevgi hər halda onları tapır.
"Minari", IMDb reytinqi 7.4-dür
Əslən koreyalı olan amerikalı ailə ABŞ arzusunun arxasınca Arkanzasdakı fermaya köçür. Yeni həyatın çətinliklərində onlar ailənin danılmaz gücünü kəşf edir və evi əsl sevgi yerinə çevirməyi öyrənirlər.
"Dünyanın ən pis adamı", IMDb reytinqi 7.7-dir
Həm romantik komediya, həm də dram janrında olan film həyatında təlatümlü dövr keçirən Culi adlı gənc qadının hekayəsindən bəhs edir. Culi öz istəkləri ilə başqalarının gözləntiləri arasında ziddiyyət təşkil edərək, öz yolunu tapmaq üçün mübarizə aparır. Sonda özünü dərk edir - həyatda öz yerini tapır. Bu film insana özünü qəbul etməyi öyrədir.
"Bütün şən yerlər", IMDb reytinqi 6.6-dır
Bu film Violet və Teodor adlı yeniyetmələrin həyatından bəhs edir. Onların görüşü qəhrəmanların həyatını tamamilə dəyişəcək. Yeniyetmələr keçmiş emosional və fiziki travmalarla mübarizə apararkən sevginin müalicəvi gücünü kəşf edirlər.
"Məxluq səsi", IMDb reytinqi 7.4-dür
"Məxluq səsi" 12 yaşlı qəhrəmanın danışdığı fantastik psixoloji dramdır. Bu film anası ağır xəstə olan Konor adlı oğlandan bəhs edir. Uşaq çətin dövr keçirəndə inanılmaz bir şey baş verir. Həyətdəki qoca ağac canlanır və nəhəng məxluqa çevrilir. Gecələr o, Konora dünya dağılanda belə ümidsiz olmamağı və güc tapmağı öyrədən hekayələr danışır.
"Okeanda işıq", IMDb reytinqi 7.2-dir
Gənc yeni evlənənlər - Tom və İzabella uzaq bir adaya köçürlər. Tom orada mayak gözətçisi işləyir. Bir gün sahilə körpəsi olan bir qayıq gəldi. Cütlük körpəni öz qızı kimi böyütməyə qərar verir. Ancaq həyatlarının nə qədər dəyişəcəyini təsəvvür etmirdilər.
"Bir gün", Reytinq IMDb - 8.4
Bu serialda siz ilk baxışdan tipik bir sevgi hekayəsini görə bilərsiniz. Oğlan zəngindir, qız isə sadə ailədəndir, lakin onların sevgisi bütün maneələri dəf edir. Yalnız Dekster və Emma hər görüşdüklərində hisslərini ifadə edə bilmirlər. Sanki xoşbəxtlik əldə etmək imkanını itiriblər. Tale sevgililərə gülümsəyəcək, yoxsa tənhalığa məhkumdurlar?
"Səninlə görüşənə qədər", IMDb reytinqi - 7.4
Luiza işini itirir. Münasib iş axtararkən ona zəngin, lakin şikəst bir gəncə qulluq etməyi təklif edirlər. Tapşırıqlar sadədir: onu müşayiət edin, çay dəmləyin, qidalandırın və dərman verin. Əvvəlcə gənc özünü diqqətsiz və kobud aparır, lakin Luizanın səmimiyyəti sayəsində həyata marağı getdikcə geri qayıdır.
"Ailə planı", Reytinq IMDb - 8.5
Koreyanın yeni mini serialında super güclərə malik bir qrup insan adi bir ailə kimi maskalanır. Bu ailə məktəbdə sadə zorakılıqdan tutmuş böyük cinayətlərə qədər hər şeylə mübarizə aparmalıdır. Pe Du Na dünyanın ən təhlükəli və ən yaxşı anası rolunu oynayır.
