Mərkəzi binası Ankarda yerləşən Tailandın Türkiyə və Azərbaycandakı səfirliyi tərəfindən türk xalqına Tailand mədəniyyətini tanıtmaq məqsədilə İstanbulda “Tailand Film nümayişi” tədbiri keçirilib.
Hafta.az-ın AA-ya istinadən yazdığına görə, Beyoğlu Grand Pera Cinemo-da keçirilən tədbirdə məihur taylandlı rejissor Thiti Srinualın yeni filmi “Sup-Pa-Rer” tamaşaçılara təqdim olunub.
Film nümayişindən əvvəl iştirakçılara Tailand mətbəxindən qəlyanaltılar təqdim olunub, rəqs qrupu isə Tailandın müxtəlif bölgələrindən ənənəvi rəqslər nümayiş etdirib.
Tədbirlə bağlı danışan Tailandın Ankaradakı səfiri Apirat Suqondhabhirom, film nümayişinin Tailand mədəniyyətini Türkiyədə tanıtmaq üçün fəaliyyətlərin başlanğıcı olduğunu bildirib.
“Covid-19 epidemiyasını tamamilə geridə qoyduqdan sonra Tailand mədəniyyətini Türkiyədə yenidən tanıtmaq üçün fəaliyyətə başlayırıq”, - deyə səfir bildirib.
Suqondhabhirom, Sup-Pa-Rerin Tailand və Asiya ölkələrində çox məşhur olduğunu ifadə edərək, "Bu film Tailand mədəniyyətinin təbliği üçün yaxşı bir başlanğıc olacaq, xüsusən də Cənub-Şərqi Tailand mədəniyyətinin elementlərini ehtiva edir. Buddizmlə yanaşı, təbiəti, ölümü ehtiva edir, sevgi və qorxu da var, hamısının gözəl qarışığını bu filmdə görə bilərsiniz" deyib.
Türk seriallarının Tailandda da çox sevildiyini deyən Suqondhabhirom, "Xüsusən mənim də favoritim olan “Midnight at Pera Palas” ən çox izlənilən türk prodüserləri arasındadır. Tailandın "Aclıq" filminin də çox izlənildiyi barədə məlumat aldım. Ümid edirəm ki, bundan sonra Türkiyədə türk xalqı tərəfindən daha çox seviləcək. Biz daha çox Tailand filmini tanıtmaq, bəlkə də iki ölkənin prodüserlərinin gələcəkdə birgə layihələr həyata keçirmələrinə şərait yarada biləcəyik”, səfir bildirib.
