Birləşmiş Ərəb Əmirliklərində (BƏƏ) - Dubayın Varsan rayonunda məişət tullantılarını enerjiyə çevrilən mərkəzin ilk istismar mərhələsinə start verilib.
Hafta.az-ın yazdığına görə, Dubayın vəliəhdi və BƏƏ İcraiyyə Şurasının sədri Şeyx Həmdan bin Məhəmməd bin Rəşid əl-Məktum Varsan məhəlləsində 1,1 milyard dollar vəsait hesabına ərsəyə gətirilmiş müəssisənin ilk əməliyyat mərhələsinin açılışını elan edib.
Noyabrda COP28 iqlim sammitinə ev sahibliyi edəcək BƏƏ 2050-ci ilə qədər elektrik enerjisinin böyük hissəsini günəş enerjisindən almağı planlaşdırır.
BƏƏ İqtisadiyyat Nazirliyinin məlumatına görə, ölkə 2050-ci ilə qədər emissiyaları azaltmağı və iqlim neytrallığına nail olmağı hədəfləyir.
BƏƏ ölkədə artan enerji tələbatını ödəmək və bərpa olunan enerjinin töhfəsini üç dəfə artırmaq üçün növbəti 7 il ərzində 150 milyard Dh200 milyard (40-54 milyard dollar ekvivalenti) sərmayə qoymağı planlaşdırır.
Dubay vəliəhdi Twitter hesabında paylaşıb: "Biz 4 milyard dirhəm dəyərində dünyanın ən böyük və ən səmərəli tullantıdan enerjiyə çevrilməsi mərkəzinin ilk istismar mərhələsini açdıq".
Birinci mərhələ ildə 2 milyon ton tullantı ətraf mühitə təsir göstərmədən parçalandıqdan sonra 135 min evə bəs edən 220 meqavat-saat bərpa olunan enerjini təmin edəcək.
