Azərbaycan yazıçılarının XIII qurultayı keçirilib. Qurultayda 84 yaşlı Xalq yazıçısı Anar Rzayev açıq səsvermə yolu ilə yenidən Azərbaycan Yazıçılar Birliyinin (AYB) sədri seçilib. Anar Rzayev qurultaydan sonra jurnalistlərə açıqlamasında mətbuat nümayəndələrindən AYB-yə düşmən münasibət bəsləməməyi xahiş edib:
Həftənin YUXUSUZU
Almaniya kansleri Olaf Şolts etiraf edib ki, o, bəzən işdə məşğul olduğu üçün yata bilmir. Bu barədə o, Almaniyanın Gifhorn şəhərinin sakinləri ilə görüşündə bildirib. Sakinlərdən biri kanslerin gündə neçə saat yatdığını soruşub. “Müxtəlif yollarla olur, lakin siz onun üçün narahat olmayın. Amma elə gecələr olur ki, danışıqlara və ya başqa səbəblərə görə ümumiyyətlə yata bilmirəm. Amma hər şey qaydasındadır” - Şolts suala cavab olaraq bildirir.
Həftənin BAYRAMI
Cənubi Koreyanın paytaxtı Seulun İtavon rayonunda keçirilən Hellouin tədbiri zamanı izdiham yaşanıb. Hadisə zamanı bir çox insanın infarkt keçirdiyi bildirilib. 150-dən artıq insan ölüb. Digər tərəfdən, yerli mətbuatda yer alan bəzi məlumatlara görə, adı açıqlanmayan bir məşhurun gəlməsi ilə bağlı şayiələr yayıldıqdan sonra insanlar İtaevonda bir əyləncə məkanına axışaraq izdiham yaradıblar. Yerli media 100 minə yaxın insanın tədbirə qatılmaq üçün küçələrə axışdığını bildirib.
Həftənin TƏHDİDİ
“Yalnız Rusiyanın Ukraynada tam və yekun qələbəsi dünyanın Qərbi itələdiyi qlobal münaqişədən qorunmağın qarantıdır”. Bu sözləri Rusiya Təhlükəsizlik Şurasının sədr müavini Dmitri Medvedev özünün teleqram kanalında paylaşıb. "Gəlin bir dünya təsəvvür edək. Qərb ölkələri həmin dünyanı qlobal müharibəyə sövq edir”, - deyə o bildirib.
Həftənin QROSMEYSTERİ
Azərbaycanın daha bir şahmatçısı qrossmeyster normasını yerinə yetirib. İtaliyada gənclərin dünya çempionatında qızıl medal qazanan Abdulla Qədimbəyli 9-cu turda 3-cü qrossmeyster normasını başa vurub. Beynəlxalq Şahmat Federasiyasının yaxın aylarda bu barədə təsdiq məktubu ünvanlayacağı gözlənilir.
Həftənin RƏQİBLƏRİ
Bu günlərdə Türkiyənin “Altın Kelebek” mükafatına namizədlərin siyahısı açıqlanıb. “Ən yaxşı arabesk – fantazi musiqisi qadın müğənnisi” kateqoriyasında azərbaycanlı müğənni Günel Zeynalova da yer alıb. O, həmin kateqoriyada keçmiş nişanlısı Reza Zarrabın ona xəyanət etdiyi müğənni Ebru Gündeşlə rəqib olub. Sözügedən kateqoriyada, həmçinin Cansever, Ceylan, Derya Bedavacı, Ebru Yaşar, Sıla Şahin, Sibel Can, Tuğce Kandemir və Zara var.
