Harri Potter obrazı ilə tanınan aktyor Daniel Radklif gənc sehrbaz haqqında romanın onun həyatını tamamilə dəyişdirdiyini inkar etmir. Ümumiyyətlə, aktyor bədii kitablar oxumağı, sevgidən, ölümdən, həyat fəlsəfəsindən bəhs edən əsərləri bəyənir.
Hafta.az Daniel Radklifin şəxsi kitabxanasından sevimli əsərlərinin siyahısı dərc edir:
Mixail Bulqakov, “Ustad və Marqarita”
Əsrarəngiz ustadla evli Marqarita arasındakı münasibətdən bəhs edən roman Radklifin sevimli əsəridir. Bildirib ki, romanda əsl sevgi ilə nifrət, xeyirlə şərin mübarizəsindən bəhs edilir və Bulqakovun üslubu, yumor hissi, personajların təsviri, danışdıqları hekayələr, yaşadıqları talelər - bütün bunlar gözəl təsvir edilib. Əslində Daniel Bulqakovun digər əsərləri ilə də tanışdır. Aktyor Britaniyanın məşhur rus klassiki əsasında çəkilmiş “Gənc həkimin gündəliyi” serialında rol alıb.
Daniel Radklif rus ədəbiyyatı ilə tanışdır. Bulqakovun daha bir əsəri olan “Ağ Qvardiya”nı yüksək qiymətləndirir. Roman vətən torpağına çökən “tozlu zülmət”dən – vətəndaş müharibəsindən, adət-ənənələrin, təməllərin dağıdılmasından, keçmişdə əbədi qalan köhnə həyatından bəhs edir.
Emil Zolya, "Germinal"
Tamaşa 19-cu əsrdə Şimali Fransada mədənçilərin və fəhlələrin ağır həyatından bəhs edir. “Germinal” sosial bərabərsizliklərdən, zəhmətkeş insanların öz hüquqları və daha yaxşı həyat uğrunda mübarizəsindən söz açır. Süjetə görə, qəhrəmanlar aclıqdan, yoxsulluqdan və yorğunluqdan üsyan edir və nəticədə faciəli bitir. Ancaq “Germinal” yeni bir şeyin başlanğıcıdır, buna görə də heç nə əbəs deyil. Yeri gəlmişkən, Emil Zolya sərbəst və realist əsərlərinə görə dəfələrlə tənqid olunub.
Tompson, "Las Veqasda qorxu və nifrət"
Daniel Radklif 20-ci əsrin ən mübahisəli romanlarından birini nəzərdən qaçırmadı. “Bu kitab indiyə qədər oxuduğum ən maraqlı və eyni zamanda ən heyrətamiz kitabdır”, – aktyor “Las Veqasda qorxu və nifrət” kitabı haqqında deyir.
Əsər real həyatda baş verən hadisələrə əsaslanan Amerika xəyalının digər tərəfi haqqında macəra hekayəsidir.
