Xərçəngin cərrahiyyə əməliyyatından sonra yenidən qayıtmasının qarşısını ala biləcək ilk xərçəng peyvəndinin inkişafı ilə dünya tibbi əhəmiyyətli irəliləyiş əldə edib. İngiltərə bu peyvəndin tətbiqi ilə əhəmiyyətli addım atıb.
Hafta.az-ın yazdığına görə, bu peyvənd immunoterapiya kateqoriyasına aid olan və xərçəng hüceyrələrini tanımaq və onlarla mübarizə aparmaq üçün bədənin öz immun sistemini stimullaşdırmaq məqsədi daşıyan sınaq çərçivəsində təqdim edilib.
Qrip və ya Civid-19 kimi xəstəliklərə qarşı peyvəndlərdən fərqli olaraq, xərçəng peyvəndi mövcud xəstəliyi olan şəxslərin müalicəsi üçün nəzərdə tutulub.
“Newsweek”in məlumatına görə, İngiltərədəki bir çox Milli Sağlamlıq Xidməti mərkəzləri bu sınağa qatılaraq müxtəlif xərçəng növlərindən, o cümlədən kolorektal, pankreas, dəri, ağciyər, sidik kisəsi və böyrək xərçəngindən əziyyət çəkən xəstələri əhatə edəcək.
Xərçəng Araşdırmaları Böyük Britaniyanın Tədqiqat və İnnovasiyalar üzrə İcraçı Direktoru Yan Foks, peyvəndin bir xəbərçi RNT peyvəndi olduğunu və xərçəngi tanımaq üçün immunitet sistemini aktivləşdirdiyini deyib.
Peyvəndin tərkibində immunitet sisteminin yad kimi qəbul etdiyi və antikor istehsal edərək cavab verdiyi mikrob və ya virusun zərərsiz hissəsi var. İmmunitet sistemi daha sonra bu mikrobu xatırlayan və bədəndə uzun müddət qala bilən antikorları sürətlə istehsal edə bilən yaddaş hüceyrələri yaradır.
