“Monsters: The Lyle və Erik Menendez Story” 16-22 sentyabr həftəsində Netflix-də ən çox baxılan seriallar arasında birinci yeri tutub.
Hafta.az-ın “Variety”a istinadən yazdığına görə, sentyabrın 19-da yayıma başlayan əsl kriminal serial cəmi 4 gündə 12,3 milyon baxış sayına çatıb. Ryan Murphy tərəfindən yaradılan antologiya seriyasının ilk mövsümü 2022-ci ildə yayımlandıqda daha güclü başladı.
“Dahmer: Monsters - The Jeffrey Dahmer Story” 5 gün ərzində 196,2 milyon saat izlənilib. Bu, serialın müddətindən asılı olaraq təxminən 22 milyon baxış deməkdir. Ryan Mörfinin Netflix-də başqa bir əsl kriminal serialı olan “The Watcher” 4 gündə 125 milyon saat izlənilməklə həmin il 22,5 milyon baxışa çatdı.
Digər tərəfdən, Netflix oktyabrın 7-də Erik və Lile Menendez ilə yeni müsahibələrin yer aldığı sənədli filmi yayımlamağa hazırlaşır. “Deadline”nin yazarları bu sənədli filmin “Monsters”ə yeni impuls verəcəyi qənaətindədirlər.
“Monsters” seriallar arasında liderlik etsə də, Netflix-də bütün məzmunlar arasında həftənin ən çox izlənilən istehsalı ola bilmədi. Bu başlıq 26,8 milyon baxışla yeni elmi-fantastik film “Uglies”ə verildi. Baş rolda Coy Kinqin oynadığı film gözəllik standartlarının zorla tətbiq olunduğu distopik gələcəkdə baş verir.
Həm tənqidçilər, həm də kinosevərlər tərəfindən bəyənilən “Rebel Ridge” filmi iki həftə zirvədə qaldıqdan sonra 16,7 milyon baxışla ikinci sıraya düşdü.
Digər tərəfdən, “Monsters”, Nikol Kidman və Layev Şreyberin baş rollarda oynadığı "The Perfect Couple" filmini ən çox baxılan seriallar siyahısında zirvədən çıxarmağı bacardı.
Əvvəlki həftə 21,9 milyon, ondan əvvəl isə 20,3 milyon izlənilən sirli mini serial bu dəfə 12,3 milyon baxışa çatıb.
