Hit istehsalları ilə tanınan Netflix-in Meksika serialı nümayişindən iki il sonra hələ də məşhurluğunu qoruyur.
Hafta.az-ın “Mirror”a istinadən yazdığına görə, tənqid toplama saytı “Rotten Tomatoes”da 100-dən 74 bal alan “Pacto de silencio” adlı serial tamaşaçılar tərəfindən bəyənilir. Netflix abunəçiləri ilk sezonundan məmnun qaldıqları serial üçün yeni bölümlərin çəkilməsinə çağırış edir.
Rejissoru Karlos Villeqas Rosales, ssenari müəllifi Xose Visente Spataro olan serial Brenda Rey adlı qadının hekayəsindən bəhs edir. Meksikada doğulub küçələrdə böyüyərkən tərk edilmiş Brenda sonradan sosial media fenomeninə çevrilir.
Brenda rolunu Mala Fortuna, Hotel Kokaine və La historia de Juana kimi prodüserlərlə işləmiş 28 yaşlı Kamila Valero canlandırır.
Seriala Adriana Louvier, Marimar Veqa və müğənni Litzi kimi adlar da daxildir.
Netflix 18 yaşından kiçik tamaşaçılar üçün uyğun olmadığını bildirdiyi serialın süjetini belə xülasə edir: “Məşhur sosial media fenomeni, doğulması ilə bağlı həqiqətləri öyrənmək istəyən və intiqamla yanaraq, dörd qadının həyatına boylanır”.
Meksika dram serialı ilk dəfə 11 oktyabr 2023-cü ildə Netflix-də yayımlandı, lakin sonradan yeni bölgələrdə mövcud olduqdan sonra daha çox tamaşaçıya çatdı.
18 seriyalı ekran əsərini izləyən bir şəxs sosial şəbəkədə “Pacto de silencio” həqiqətən möhtəşəm idi!" yazıb.
Başqa bir izləyici paylaşıb: "Netflix-də “Pacto de silencio” çox yaxşıdır... 10-dan 10! Seriala baxanda səhərə qədər yata bilmədim".
Başqa bir pərəstişkar isə belə deyib: "Hər kəs Netflix-də “Pacto de silencio”na baxmalıdır... Bu, çox yaxşı və çox qarışıqdır!" şərh etdi.
Pərəstişkarları ikinci sezonun ən qısa zamanda gəlməsini istəsələr də, yayım nəhəngi serialın davam edib-etməyəcəyi ilə bağlı hələlik susur.
