Ukrayna Rusiya hərbçilərinin müvəqqəti işğal etdiyi Krıma zərbələr endirmək üçün Britaniyanın uzaqmənzilli raketlərindən istifadə etməyə hazırdır.
“The Times” yazır ki, Böyük Britaniyanın baş naziri Rişi Sunak Ukraynanı uzaqmənzilli raketlərlə təmin edəcəyinə söz verdikdən sonra bu məsələ ilə bağlı müzakirələr başlayıb.
Xüsusilə, hər kəs bunun hansı döyüş sursatı olacağı ilə maraqlanırdı - “Harp” və ya “Storm Shadow” hava-yer sinfinin gəmi əleyhinə raketləri.
Nəşr Ukrayna prezidenti Vladimir Zelenskinin Qərb müttəfiqlərinin daha uzun mənzilli silahlarının “işğal olunmuş ərazilərin dərinliklərinə” zərbələr endirmək üçün istifadə ediləcəyi barədə sözlərini xatırladıb. Ukrayna müdafiə mənbələri Kiyevin Krıma hücum etmək üçün uzaqmənzilli raketlərdən istifadə etməyə hazır olduğunu təsdiqləyib.
