Rusiyanın Ukraynanı və xüsusilə Donbass bölgəsini ələ keçirmə planının ən mühüm hissələrindən biri olan Xarkov şəhəri kritik bölgədə yerləşməsi səbəbindən müharibədə ən sıx hücumlara məruz qalan bölgə olub. 44 nəfərin cansız cəsədi yalnız bu gün, mart ayında Xarkovda vurulan və sonra dağılan binadan tapılıb.
Hafta.az xəbər verir ki, Rusiya sərhədindən 45 dəqiqəlik məsafədə yerləşən və əsasən etnik rusların yaşadığı Xarkov şəhəri iki ölkə arasında səkkiz illik yorucu gərginliyin ortasındadır.
Eyni zamanda Ukraynanın ən böyük şəhərlərindən biri olan Xarkov Rusiyanın Donbass planının böyük bir hissəsi olduğu üçün müharibədə ən çox zərbə alan yerlərdən biridir. Separatçıların nəzarəti altında olan Xarkovun şərq rayonlarına çıxışı təmin edən magistral yolun üzərindəki kritik İzyum şəhərinə girməyi bacaran rus əsgərlərinin burada bombalayaraq dağıtdıqları binadan 44 cəsəd çıxarılıb.
Ukrayna rəsmiləri ölkənin şimal-şərqində həftələr əvvəl çökmüş binanın dağıntıları altında 44 mülki vətəndaşın cəsədini tapdıqlarını açıqlayıb.
Cəsədlər fevralın sonlarında müharibə başlayandan bəri Rusiyanın daim hücumuna məruz qalan Xarkov şəhərindən təxminən 120 km aralıda yerləşən İzyumda mart ayında uçan beş mərtəbəli binada tapılıb.
"Bu, rus işğalçılarının dinc əhaliyə qarşı törətdiyi növbəti dəhşətli hərbi cinayətdir", - Xarkov vilayəti administrasiyasının rəhbəri Oleq Synehubov bildirib. O, sosial şəbəkədə ölənləri elan edən mesaj paylaşıb.
