İranlı ekspert Məhəmməd Mehdi Məzahiri "İttilaat" qəzetində yazdığı "Rusiyanı cilovlayın!" sərlövhəli məqaləsində o, İran-Rusiya münasibətlərinin strateji əməkdaşlıqdan çox müvəqqəti böhranların aradan qaldırılması üçün məcburi əməkdaşlığa əsaslandığını müdafiə edib. Məzahiri, "Bu, ciddi xarici siyasət nəticələri ola biləcək acı bir həqiqətdir" deyib.
Hafta.az-ın yazdığına görə, Məzahiri sözlərini belə davam etdirib: "Rusiya prezidenti Vladimir Putinin Azərbaycana səfərindən sonra Zəngəzur dəhlizi ilə bağlı son rəsmi açıqlamaları Moskvanın İrana münasibəti ilə bağlı müzakirələrə səbəb olub. Rusiya, Azərbaycan- Ermənistanla sərhədinin dəqiqləşdirilməsinə yardım edəcəyini açıqladı. və Bakı ilə İrəvan arasında münasibətlərin normallaşmasına töhfə verməkdə davam edəcəyini bəyan etdi. Bütün bu hadisələr Ukraynanın Rusiya ərazisinə hücum edərək bəzi şəhərləri tutduğu bir vaxtda baş verdi. Hadisələr Putini Azərbaycanla Rusiya arasında strateji münasibətlərin möhkəmləndirilməsi ilə bağlı danışıqlar üçün Bakıya səfərə sövq etdi”.
Məzahiri deyib ki, bu günlərdə Rusiyanın xarici işlər naziri Sergey Lavrovun “Rusiya Bakı ilə İrəvan arasında Zəngəzur dəhlizinin işə düşməsini təmin edəcək sülh sazişinin imzalanmasını dəstəkləyir” deməsi açıq şəkildə İranın milli maraqlarını təhdid edir.
Məzaghiri onu da qeyd edib ki, "Zəngəzur dəhlizi fəaliyyətə başlasa, İranın qonşularının sayı 15-dən 14-ə düşəcək. Bu, həm də onun strateji İranın maraqlarına və geosiyasi mövqeyinə mənfi təsir göstərəcək".
