Argentinada hər il mayın 18-də Triumviratın rəsmiləşdirdiyi gerb, himn və bayraqla birlikdə milli vətənpərvərlik atributlarından ibarət ilk simvol olan Milli Kokarda Günü qeyd edilir.
Hafta.az-ın yazdığına görə, bu tarix 1934-cü ildə Milli Təhsil Şurası tərəfindən təsis olunub.
Ümumiyyətlə, Kokarda Günü necə yaranıb, tarixi hansı zənginliklərlə doludur?
Argentina kokadasının tarixi xeyli uzundur. Kokarda, Triumviratın 18 fevral 1812-ci il tarixli sərəncamı ilə rəsmiləşdirdiyi ilk vətənpərvərlik simvoludur və o zaman onun Rio de la Plata Birləşmiş Əyalətlərinin ağ və açıq mavi rəngli milli kokardası olduğunu müəyyən etmişdi.
Milli simvol 1812-ci ildə Manuel Belqranonun tələbi ilə, Birinci Triumvirat zamanı Rio de la Plata Birləşmiş Əyalətlərində fərqləndirici olaraq yaradılmışdı. Onun məqsədi ordunun rənglərini birləşdirmək, düşmənlərdən fərqlənmək və milli birliyi təşviq etmək idi.
Argentinalılar bu nişanı sinənin sol tərəfində, yaradılması ilə bağlı tarixlərdə (18 fevral), bütün may həftəsində (18-dən 25-ə kimi), həmçinin Bayraq Günü (20 iyun) və Müstəqillik Günü (9 iyul) kimi milli bayramlarda taxırlar.
Kokada Gününün qeyd edilməsi 1934-cü ildə Milli Təhsil Şurası tərəfindən təşviq edilib və o vaxtdan məktəb təqvimlərinə və milli yubileylərə salınıb.
Əslində Kokardanın rənglərinin mənşəyi və onların Vətəni simvolizə etmək üçün seçilmə səbəblərini dəqiqliklə müəyyən etmək mümkün deyil.
Bir çox versiyalar arasında ağ və açıq mavi rənglərin ilk dəfə İngilis istilaları zamanı (1806-1807) Rio de la Platadakı ilk şəhər milis korpusu olan Patrisilər tərəfindən qəbul edildiyini və sonradan bu rənglərin yerlilər arasında məşhur olduğunu göstərir. Həmçinin deyilir ki, Argentina kokadasından ilk dəfə 1810-cu il mayın 19-da Patricios alayının rəisi, o vaxtkı polkovnik Kornelio de Saavedra ilə müsahibəyə gəlmiş Buenos-Ayresdən olan bir qrup xanım tərəfindən istifadə edilib.
25 may 1810-cu ildə milli kokardadan istifadə vətənpərvərlər arasında yayılmağa başlayıb. Həmin rənglərdən istifadə etmək qərarı müəyyən bir şəxsin təşəbbüsü deyil, əvvəlcədən razılaşdırılmadan və müzakirə edilmədən qəbul olunmuş kortəbii münasibətin məhsulu kimi ortaya çıxıb.
23 mart 1811-ci ildə kokardadan Xuntanın əksər əleyhdarlarının nişanı kimi istifadə edilib.
1811-ci ilin sonunda İspaniyanın Montevideodakı qubernatoru Paskual Vigodenin əmri ilə Parana sahillərinə hücumlar şiddətlənib. Bununla qarşılaşan Triumvirat 24 yanvar 1812-ci ildə Manuel Belqranoya ordu korpusu ilə Rosarioya getməyi əmr edib. General Belqrano ispan təcavüzlərinin qarşısını ala bilib və Libertad adlandırdığı Parana yarğanlarında batareya (bir növ hərbi qala) yerləşdirib. Belgrano, əsgərlərinin ispan nişanlarını taxmağa davam etməsini absurd hesab edib, buna görə də əsgərlərinin kokarda taxması üçün icazə alıb. 18 fevral 1812-ci il tarixli fərmanla Triumvirat Belqranonun təklif etdiyi dizayna uyğun olaraq Rio de la Plata Birləşmiş Əyalətlərinin iki rəngdə, ağ və açıq mavi rəngdə milli kokardasını yaratdı və əvvəllər istifadə olunan qırmızı rəngi ləğv etdi.
Əziz Argentina xalqı, Kokarda Gününüz mübarək!
