Yaponiyada baş nazir Kişida Fumionun katibi, eləcə də böyük oğlu Kişida Şotaro rəsmi iqamətgahda verdiyi əyləncəyə görə işdən çıxarılacaq.
Hafta.az-ın yazdığına görə, Yaponiyada milli “Şukan Bunşun” jurnalında “Kişida Şotaro baş nazirin rəsmi iqamətgahında qonaqlıq verib” xəbərinin əks-sədası davam edir.
Xəbərin görüntülərində Kişida iqamətgahda qohumları və əcnəbi qonaqları ilə əyləndiyi, qırmızı xalçalı pilləkənlərdə uzanan bir adamın pozası görünür.
Katibinə və oğlu Kişidaya lazımi bildirişləri etdiyi bildirilən Yaponiyanın baş naziri, məsələ ilə bağlı yeni qərar verdiyini açıqlayıb. Baş nazir Kişida vurğulayıb ki, oğlu Kişidanın rəsmi iqamətgahda davranışı onun katiblik vəzifəsi və ictimai məsuliyyətinə görə yersizdir.
Yaponiyanın baş naziri öz oğlunu katib vəzifəsinə təyin etmək məsuliyyətini öz üzərinə götürdüyünü qeyd edərək, Kişida Şotaronun iyunun 1-də vəzifəsindən azad ediləcəyini açıqlayıb.
Baş nazir Kişida, "Təyinatın məsuliyyəti əlbəttə ki, mənə aiddir və bunu ciddiyə alıram. Əzmlə irəliləyərək vəzifələrimi yerinə yetirmək istəyirəm" deyib.
Dövlət Televiziyası NHK bildirib ki, Kişida Şotarodan əvvəl eyni vəzifədə olan Yamamoto Takayoşi yeni dövrdə katib vəzifəsinə təyin olunacaq.
2021-ci ilin oktyabrında baş nazir vəzifəsinə başlayan Kişida birinci ilini başa vurarkən 31 yaşlı oğlu Kişida Şotaronu icraçı katib təyin etmişdi.
Nazirlər Kabinetinin Baş Katibliyindən bildiriblər ki, o zaman təyinatla bağlı qərar “şəxsiyyət və uzaqgörənlik” əsasında “doğru adamı lazımi yerə yerləşdirmək” ideyası ilə qəbul edilmişdi.
