Əyləncə sənayesi ilə bağlı məlumatları təhlil edən "Luminate" şirkəti ötən həftənin ən çox izlənilən istehsallarını açıqlayıb.
Hafta.az-ın “Variety”a istinadən yazdığına görə, “American Murder: Laci Peterson” 16-22 avqust tarixlərində Netflix-də yayımlandığı ilk həftədə ABŞ-da ən çox baxılan serial olub. Əvvəlki həftə 255,3 milyon dəqiqə izlənərək 5-ci yerdə olan serial bu müddət ərzində cəmi iki gün efirdə qalıb.
Netflix, 13 yaşından kiçiklər üçün uyğun olmadığını bildirdiyi sənədli filmin mövzusunu belə xülasə edir: "8 aylıq hamilə olan Laci Petersonun itməsi ilə başlayan axtarışlar faciə ilə sona çatır. Bu sənədli serial 2002-ci ildə baş verən qətl hadisəsini araşdırır”.
“What Do You Mean, Missing?”, “I Wasn't a mistress” və “Nothing Can Change the Truth” adlı üç hissədən ibarət olan sənədli filmin rejissoru Skay Borgmandır.
Maraqlıdır ki, ən çox baxılan seriallar siyahısında yer alan başqa bir istehsal da eyni mövzudan bəhs edib. Pekokun "Face to Face With Scott Peterson" serialı yayımlandığı ilk üç gündə 147,5 milyon dəqiqə izlənərək siyahıda 10-cu yerdə qərarlaşıb.
Laci Denise Peterson 2002-ci ildə Kaliforniyadakı cütlüyün evindən yoxa çıxdı, bundan sonra Skott Peterson onun itdiyini bildirdi. Növbəti il cütlüyün Konner və ya Ceyms adını qoymağı planlaşdırdıqları doğulmamış oğlunun qalıqları San Fransisko körfəzi sahillərində tapıldı. Skott sonradan həbs olundu və iki cinayətdə ittiham edildi. 2004-cü ildə Skott həm birinci, həm də ikinci dərəcəli qətldə təqsirli bilinib.
Skottun ölüm hökmü 2020-ci ildə ləğv edildi və növbəti il şərti azadlığa buraxılma imkanı olmadan ömürlük həbs cəzasına çevrildi.
Bu məsələ bütün bu illərdən sonra ictimaiyyətin diqqətini cəlb etməkdə və mübahisə obyekti olmaqda davam edir.
Scott Peterson hələ də günahsızlığını qoruyur.
