Özbəkistanın Daşkənd vilayəti paytaxta yaxınlığına, oazisləri və beynəlxalq yolları birləşdirdiyinə görə böyük iqtisadi potensiala malikdir. Son yeddi ildə rayona 9,4 milyard dollara yaxın investisiya yatırılıb, 143 mindən çox iş yeri və 5 milyard dollarlıq ixrac imkanları yaradılıb.
Hafta.az-ın yazdığına görə, bu barədə Daşkənd vilayətində həyata keçirilməsi planlaşdırılan investisiya layihələrinin təqdimatı ilə tanış olarkən prezident Şavkat Mirziyoyevə məlumat verilib
Qeyd olunub ki, bu sürəti davam etdirərək 2024-2026-cı illər üçün ümumi dəyəri 26 milyard dollar olan 125 layihənin həyata keçirilməsi planlaşdırılır. Onlardan 21-i strateji, 52-si şəbəkə layihəsi, 52-si isə regional layihələrdir. Bu təşəbbüslər nəticəsində 42 min iş yerinin yaradılması nəzərdə tutulur.
Dövlət başçısına ümumi dəyəri 3,4 milyard dollar olan 11 layihə təqdim olunub.
Çin, Cənubi Koreya, Türkiyə, Səudiyyə Ərəbistanı, Rusiya və Azərbaycan kimi ölkələrin şirkətləri və yerli sahibkarlar həmin layihələrə sərmayə yatırırlar. Bu layihələrdə tekstil, qida, tibb, elektrotexnika, energetika, tikinti materialları, geologiya, xidmət və digər sahələrdə 23 min iş yeri açılacaq. Məsələn, çinli investorlarla birgə Almalıda “Böyük İpək Yolu” sənaye texnologiyaları parkı yaradılacaq. Burada elektrotexnika, tekstil, tikinti materialları, əczaçılıq kimi sahələrdə 100-ə yaxın müəssisə yerləşəcək. 3 min yeni iş yeri açılacaq, ildə 5 trilyon somluq məhsul istehsal olunacaq.
Zəngiota rayonunda Cənubi Koreya investorları ilə birlikdə qaraciyər, oynaq, göz və beyin funksiyalarının müalicəsində istifadə olunan dərman preparatlarının istehsalı təşkil olunacaq. Bu müəssisədə 200 nəfər işlə təmin ediləcək.
