Çox vaxt insanlar real həyatda yaşadıqları ağrı-acılarını bir anlıq da olsa, unutmaq üçün şənlənmək istəyir. Bu zaman onların köməyinə televizorda izləyəcəkləri komik filmlər çatır.
Hafta.az-ın yazdığına görə, xüsusilə də toylardan bəhs edən komediyalar bu məsələdə güclü təsirə malikdir.
"Gəlinlərin döyüşü" (2009)
Rejissoru Qari Vinik olan filmdə rollarda Keyt Hudson, Ann Hathavay, Brayn Qrinberq, Kris Pratt çəkilib.
Bu film bəylə gəlindən deyil, gəlin buketini eyni anda tutan və toylarını eyni gündə keçirməli olan iki dostdan bəhs edir. Qızların heç biri evlənmək arzusunda olduğu gözəl tarixdən və məkandan imtina etmək istəmir. Gəlinlərin ortaq dostları eyni anda iki toyda iştirak edə bilmədiklərinə görə dostlar bir-birinə müharibə elan edirlər. Film zamanı onların hər biri öz ideal toyuna hazırlaşmağa və eyni zamanda rəqibinə məsləhət verməyə çalışır.
“Gəlin atası” (1991)
Rejissoru Çarlz Şier olan filmdə rollarda Stiv Martin, Dian Keton, Kimberli Uilyams-Paysli çəkilib.
Bu, bir atanın qızını böyütməyin nə qədər çətin olmasından bəhs edən çox səmimi, təsirli filmdir. Bundan əlavə, qarşıdan gələn toy həyatda ən vacib və çoxdan gözlənilən hadisə olsa da, ata üçün bu, qızı ilə ayrılmaq və külli miqdarda pul xərcləmək deməkdir. Lakin o, Corc Ennini çox sevir və ona ürəkdən xoşbəxtlik arzulayır.
“Gəlin tələsi” (2011)
Rejissoru Şeri Fokson olan filmdə rollarda Alisa Eve, Devid Tennant, Kelli MakDonald çəkilib.
Britaniyalı romantik komediya sakit şəhər kənarında evlənmək qərarına gələn ulduz gəlinin hekayəsindən bəhs edir. Amma gənclər gəlini paparazzi kameralarından gizlənə bilməsi üçün “dəyişdirməyə” qərar verirlər. Lakin heç kim gözləmirdi ki, bəylə "saxta" gəlin arasında sevgi yarana bilər. Şotlandiya mənzərələrini sevənlər heyrətamiz mənzərədən həzz alacaq və hətta toylarını bu gözəl ölkədə keçirmək istəyə bilərlər.
“Demək olar ki, evli” (2012)
Rejissoru Nikolas Stoller olan filmdə baş rollarda Ceyson Segel və Emili Blunt çəkilib.
Bəzən şərtlərə görə, toy kimi əhəmiyyətli bir hadisə nişandan sonra qeyri-müəyyən müddətə təxirə salına bilər. “Demək olar ki, evli” filminin qəhrəmanları toya uzun müddət hazırlaşır. Toy əvvəlcə iki il, sonra isə təkrar-təkrar təxirə salınır. Bu film qohumlarla münasibətdən, səbr və gözləmədən bəhs edir. Film, tamaşaçılara bir-birini başa düşməyi, seçdiyi yoldan dönməməyi öyrədir.
“İcarəlik bəy” (2005)
Rejissoru Kayr Kilner olan filmdə rollarda Debra Messing, Dermot Mulroney, Ami Adams çəkilib.
Baş qəhrəman Keyt ögey bacısının toyuna görə valideynlərinin evinə getmək istəyir. Qohumlarından başqa, qız orada keçmiş sevgilisi ilə görüşəcəyini dəqiq bilir, ona görə də əla görünməli, ən əsası yaraşıqlı, ağıllı və mehriban “bəy”lə gəlməlidir. Keyt bir həll tapır: baş qəhrəman bacısının toyunda iştirak üçün peşəkarlardan birini işə götürür. O, nəinki qızın ailəsini və dostlarını, hətta Keytin özünü də valeh edir.
