Yazını böyüt
Yazını kiçilt
Bu gün Qətərdə klublararası dünya çempionatı start götürüb.
Hafta.az xəbər verir ki, turnirin açılış matçında Meksikanın "Tiqres" və Cənubi Koreyanın "Ulsan" komandaları üz-üzə gəlib.
"Əl-Rayan" stadionunda oynanılan qarşılaşma Şimali Amerika təmsilçisinin 2:1 hesablı qələbəsi ilə başa çatıb. İlk qolu 24-cü dəqiqədə asiyalıların heyətində Kim Ki Xi vurub. "Tiqres"də isə fransalı hücumçu Andre-Pyer Jinyak dubl edib. O, 38 və 45+5-ci dəqiqələrdə adını tabloya yazdırıb.
Qeyd edək ki, "Tiqres" yarımfinalda Libertadores kubokunun qalibi olan Braziliyanın "Palmeyras" klubu ilə üz-üzə gələcək.
