Britaniyalı aktrisa Billi Payper rol aldığı yeni layihə ilə tanınmaz hala düşüb.
Hafta.az-ın “Daily Mail”a istinadən yazdığına görə, “Doctor Who”nun 41 yaşlı ulduzu Netflix-in yeni “KAOS” serialının son treylerində adi məftunedici simasından uzaqlaşdı. Xarakteri ilə bağlı təfərrüatları hələ bilinməyən Piper treylerdə çürük dişləri və burnundaki döymə ilə diqqət çəkir.
Yunan mifologiyasının tanrı və ilahələrinə müasir bir şərh gətirən “KAOS”da Piper kirli dərisi və dağınıq saçlarla qaralmış şəkildə görünür. Treylerdə britaniyalı aktyor serialdakı daha bir personajın gələcəyini proqnozlaşdırır.
1986-cı ildə çəkilmiş “Milçək və Yura Parkı” adlı kult elmi fantastika filminin ulduzu Ceff Qoldblum tamaşaçılar qarşısında “tanrıların kralı Zevs” kimi görünür.
Serialda “Ozark” və “The Menu” filmləri ilə də tanınan Cenet MakTir Hera, “Harry Potter” serialının ulduzlarından Devid Tevlis Hades, Kliff Kurtis isə Poseydon rolunu canlandırır.
8 seriyadan ibarət serial uzun müddət taxtda oturan Zevsin bir gün yuxudan oyanaraq alnında qırış görüb bunun onun süqutunu xəbər verən qədim kəhanətin gerçəkləşəcəyinə işarə olduğuna inanması ilə başlayır.
Netflix fantastik serialın süjetini belə xülasə edir: “Olimp dağında nifaq hökm sürərkən və qüdrətli Zevs paranoyaya enərkən, bəşəriyyətin gələcəyini yenidən formalaşdırmaq üçün üç fani var”.
“The End of the F***ing World”u da çəkən Çarli Kovell tərəfindən yaradılmış yunan mifologiyasının uyğunlaşdırılması 29 avqustda Netflix-də yayıma girəcək.
