5 il 4 mövsümdən sonra “The Umbrella Academy” sona yaxınlaşır.
Hafta.az-ın “Hollywood Reporter”a istinadən yazdığına görə, serialın ulduzları Elliot Peyc, Tom Hopper, Devid Kastanyeda, Emmi Raver-Lampman, Robert Şihan, Aydan Qallager, Castin H. Min və Ritu Arya Los-Ancelesdə final sezonunun premyerasında bir araya gəlib və onlar haqqında danışıblar və serialın son bölümləri ilə bağlı qiymətləndirmələr edildi.
Serialın ulduzlarından olan 35 yaşlı Raver-Lampman “Hollywood Reporter”ə deyib: “Düşünürəm ki, pərəstişkarları serialın layiq olduğu sonluğu alacaqlar. Ssenari müəlliflərinin anlamalı olduğu şey bütün bu hekayələri necə birləşdirmək idi. Bu, yəqin ki, inanılmaz dərəcədə çətin idi. Düşünürəm ki, bu, hamımızın qürur duyduğumuz bir sondur və düşünürəm ki, azarkeşlər də bunu sevəcəklər”.
Serial milyarder sənayeçi atası ser Reginald Hargrivesin ölümündən sonra yenidən bir araya gələn qeyri-adi qabiliyyətlərə malik bacı-qardaşlardan bəhs edir.
Luther Hargrives rolunu oynayan Tom Hopper, finalın "bütün serial üçün həqiqətən yaxşı bir son olduğunu və bir çox boş ucları bağladığını" düşündüyünü söyləyib.
Dieqo obrazını canlandıran Kastanyeda “Sonunun necə bitməsindən çox xoşbəxtəm” deyərək, aydın və qısa finala söz verib.
Vanya Harqrives obrazını canlandıran Peyc karyeralarında bu mühüm fəsli bağlamaqdan məmnun olduğunu söyləyib, çünki serial Netflix-də böyük fasilə yaşayıb və komanda hekayəni istədikləri kimi bitirmək fürsəti əldə edib.
Bu gündən Netflix-də “The Umbrella Academy”nin 4-cü mövsümü başlayıb.
