Rusiyanın NOVATEK şirkəti 2024-cü ilin yanvar-sentyabr ayları üzrə ilkin nəticələrə əsasən, karbohidrogen hasilatını 3,6 faiz artıraraq neft ekvivalentinə 491,1 milyon barelə çatdırıb.
Hafta.az-ın yazdığına görə, şirkətin qaz hasilatı 2,1 faiz artaraq 62,3 milyard kubmetrə çatıb. Bununla belə, qaz satışının həcmi ötən ilin müvafiq dövrü ilə müqayisədə 2,3 faiz azalaraq 56,16 milyard kubmetr təşkil edib.
Maye karbohidrogen hasilatı üçüncü rübdə 14 faiz artaraq 3,41 milyon tona çatıb.
Həmin dövrdə maye karbohidrogen satışı 4,3 faiz artıb. İlin 9 ayında maye karbohidrogen satışı 3 faiz artaraq 12,2 milyon tona yüksəlib.
2024-cü ilin üçüncü rübündə qaz hasilatı 4,1 faiz artaraq 20,57 milyard kubmetrə çatıb. Qaz kondensatı və neft hasilatı da 14 faiz artaraq 3,41 milyon ton olub.
NOVATEK beynəlxalq LNG bazarına 2017-ci ildə Yamal LNG layihəsinin uğurla başlaması ilə daxil olub. Şirkət Rusiyanın ən böyük təbii qaz istehsalçılarından biri kimi mövqeyini qoruyub saxlasa da, qaz satışlarının azalmasına baxmayaraq, karbohidrogen və maye karbohidrogen istehsalında artımla böyüməyə davam edir.
